ILUẸMHIN 57
Be Ọkhẹke Nin Uwẹ Lu Yẹ Ahamiẹn Uwẹ Lu Emhin Ebe Nọn Kaka?
Aharẹmiẹn ghe uwẹ manman hoẹmhọn iJehova yẹ ha dọnmhegbe nin uwẹ rẹ lu emhin ne ti ọle bhọ, uwẹ dẹ sẹyẹ dobọ ẹgheso. Ọkpakinọn, idobọ rebhe iyi ọkpa, eso kaka nẹ eso. (1 Corinthians 6:9, 10) Aharẹmiẹn uwẹ lu emhin ebe nọn kaka, yere ghe Jehova sẹyẹ hoẹmhọn uwẹ. Ọle muegbe nin ọle rẹ rẹhunmhan uwẹ yẹ rẹkpa uwẹ.
1. Be ọkhẹke nin uwẹ lu nin Jehova da rẹhunmhan uwẹ?
Ẹbho ne hoẹmhọn Jehova ha dobọ lu emhin ebe, ọ ki wo manman ha ba ele bhi egbe. Ọkpakinọn, ọne ive nan nin Jehova vele re ikoudure nin ele. Jehova yọle: “Aharẹmiẹn olukhọ nọnsẹbha diabe emhin nọn gian, a dẹ re ọle kiẹn emhin nọn manman fua.” (Isaiah 1:18) Ahamiẹn mhan gene kiẹ oya ọbhi olukhọ nọnsẹmhan yẹ muegbe nin mhan rẹ fidenọ, Jehova dẹ rẹhunmhan mhan sẹsẹsẹ. Be imhan ha rẹ rẹman yẹ ghe, mhan kiẹ oya ọbhi olukhọ nọnsẹmhan? Mhan ki zobọ bhi ọne emhin ebe nin mhan lu, yẹ bhii Jehova nin ọle rẹhunmhan mhan. Ọ yẹ khẹke nin mhan dọnmhegbe rẹ fi uwedẹ nin mhan rẹ ria eria denọ, yẹ ha re obọ rẹkhan uhi ne khiale nesi Jehova.—Tie Isaiah 55:6, 7.
2. Be iJehova rẹ noo ene ewanlẹn rẹ rẹkpa mhan yẹ sade mhan lu emhin ebe?
Jehova yọle ghe ahamiẹn mhan lu emhin ebe nọn kaka, nin mhan “datie ene ewanlẹn ne ribhi agbotu.” (Tie James 5:14, 15.) Ene ikpea nan manman hoẹmhọn Jehova bi ẹbho nesọle. Ele lẹn ebi ele ha rẹ rẹkpa mhan yẹ sade mhan lu olukhọ, beji a ha da miẹn ghe, mhan bi Jehova ki sabọ kie dọ ha mhọn ikolu nọn ziẹnlẹn.—Galatians 6:1.
Be ene ewanlẹn rẹ rẹkpa mhan yẹ sade mhan lu emhin ebe? Ewanlẹn eva la ea ki re iBaibo rẹ re adia nin mhan. Ele ki yẹ taman mhan ebi mhan ha lu, beji a ha da miẹn ghe, mhan bha kie dọ lu ọne olukhọ. Ahamiẹn ọria nọn lu emhin ebe nọn kaka bha ka fidenọ, ene ewanlẹn sabọ yọle nan re ọle sibhi agbotu re, beji a ha da miẹn ghe, ọne ọria bha riia ẹbho nekẹle ne ribhi agbotu a.
MANMAN LẸN OTỌLE NỌNSẸN
Luẹ ebi Jehova rẹ rẹkpa mhan yẹ sade mhan lu emhin ebe nọn kaka. Yẹ luẹ ebi mhan ha rẹ rẹman yẹ ghe, emhanmhan nin ọle re ọbhi otọ nin mhan rẹ ha miẹn urẹkpa ti mhan bhọ.
3. Mhan ha re emhin ebe nin mhan lu ka, egbe dẹ fu mhan re
Ọ manman ba iJehova bhi egbe sade mhan lu emhin nọn bha gba. Bhiriọ, ọkhẹke nin mhan taman ọlẹn emhin ebe nin mhan lu. Tie Psalm 32:1-5, bha ha zilo nyan ọne inọnta nan:
-
Bezẹle nọn da yi emhin esili nin mhan rẹ re olukhọ nọnsẹmhan ka man iJehova?
Mhan ha re olukhọ nọnsẹmhan ka man iJehova fo, ọ yẹ khẹke nin mhan guanọ urẹkpa bhi obọ ene ewanlẹn. Ghe ọne IVIDIO, bha ha zilo nyan inọnta nọn rẹkhan ọlẹn.
-
Beji a rẹman bhi ọne ividio, be ene ewanlẹn rẹ rẹkpa iCanon rẹ fikie bu iJehova yẹ?
Ọkhẹke nin mhan ta ẹmhọanta man ene ewanlẹn yẹ taan ọkhọle a man ele. Ele guanọ nin ele rẹkpa mhan. Tie James 5:16, bha ha zilo nyan ọne inọnta nan:
-
Bezẹle nọn ha da lẹkhẹ nin ene ewanlẹn rẹ rẹkpa mhan sade mhan ta ẹmhọanta?
Re olukhọ nin uwẹ lu ka man iJehova bi ene ewanlẹn. Hẹi re emhin soso he. Yẹ miẹn urẹkpa nọnsi Jehova ọbhi egbe
4. Jehova mhọn itohan da eria ne lu emhin ebe
Ahamiẹn ọria nọn lu emhin ebe nọn kaka bha muegbe nin ọle rẹ fidenọ yẹ re obọ rẹkhan uhi nesi Jehova, a ki re ọle sibhi agbotu re. Mhan ida yẹ ha ne ọle muobọ. Tie 1 Corinthians 5:6, 11, bha ha zilo nyan ọne inọnta nan:
-
Be ọria nọn bha fidenọ ha rẹ sabọ riia agbotu a yẹ, beji obhi yisti khere rẹ re ibrẹdi huẹ?
Ene ewanlẹn re egbe khọkhọ Jehova bhi uwedẹ nin ọle rẹ re itohan man eria ne lu emhin ebe. Ele ki bu ọria nan re sibhi agbotu re, yẹ rẹkpa ọle rẹ fikiere bhi agbotu. Eria ne bunbun nan re sibhi agbotu re fikie vae dọ ha ga iJehova. Arẹmiẹn ghe adia nan re nin ele manman ba ele bhi egbe, ọ da rẹkpa ele rẹ fidenọ.—Psalm 141:5.
Be uwedẹ nin Jehova rẹ ne ọria nọn lu emhin ebe lu emhin rẹ rẹman yẹ ghe, Osẹ nọn mhọn oyẹẹ bi itohan, bi Osẹ nọn rẹ ẹwanlẹn lu emhin ọle khin?
5. Mhan ha fidenọ, Jehova dẹ rẹhunmhan mhan
Jesu da noo ijiẹmhin ọkpa rẹ rẹkpa mhan rẹ lẹn ebi ọ dia iJehova bhi egbe yẹ sade ọria nọn lu emhin ebe fidenọ. Tie Luke 15:1-7, bha ha zilo nyan ọne inọnta nan:
-
Be ọne ijiẹmhin nan man uwẹ le rẹji Jehova?
Tie Ezekiel 33:11, bha ha zilo nyan ọne inọnta nan:
-
Be ọkhẹke nin mhan lu nin mhan gene rẹ rẹman ghe, mhan kiẹ oya bhi emhin ebe nin mhan lu?
Jehova manman hoẹmhọn ẹbho ne ga ọle beji ọsuohuan rẹ hoẹmhọn ihuan nesọle
ẸBHO ESO SABỌ YỌLE: “Ofẹn mun mẹn ghe, mẹn ha taman ene ewanlẹn emhin ebe nin mẹn lu, a dẹ re mẹn sibhi agbotu re.”
-
Be uwẹ ha taman ọria nọn sẹriọ yẹ?
EBI MHAN LUẸLE
Ahamiẹn mhan kiẹ oya ọbhi emhin ebe nin mhan lu, yẹ dọnmhegbe nin mhan rẹ re obọ sibhi emhin ebe re, Jehova dẹ rẹhunmhan mhan.
Uwẹ Be Yẹ Yere?
-
Bezẹle nọn da yi emhin nọn mhẹn nin mhan rẹ re emhin ebe nin mhan lu ka man iJehova?
-
Be ọkhẹke nin mhan lu nin Jehova da rẹhunmhan mhan?
-
Bezẹle nọn da khẹke nin mhan guanọ urẹkpa bhi obọ ene ewanlẹn bhi agbotu sade mhan lu emhin ebe nọn kaka?
FẸ ENE EMHIN NAN GHE
Fẹ ebi Jehova rẹ mhọn itohan da okpea ọkpa yẹ beji Isaiah 1:18 tale.
Be ene ewanlẹn rẹ rẹkpa ibhio mhan ne lu emhin ebe nọn kaka yẹ?
Fẹ ebi mhan ha rẹ sabọ re itohan bi oyẹẹ man ibhio mhan nan ne sibhi agbotu re yẹ.
“Ebi Ene Ewanlẹn Ha Rẹ Sabọ Rẹkpa Eria Nan Ne Sibhi Agbotu Re Yẹ” (Ọne Ọkhẹughe, Ọgọst 2024)
Bhi okha nọn yọle, “Ọ Da Khẹke Nin Mẹn Fikie Bu Jehova,” fẹghe ebezẹle nin okpea ọkpa nọn rẹ sibhi agbotu re da rẹọbhọ ghe Jehova rẹkpa ọle rẹ fikiere.
“Ẹmhọanta Nọn Ribhi Baibo Fi Iẹnlẹn ọsi Eria Denọ” (The Watchtower, April 1, 2012)
Emhin Ebhebhe Ne Ha Yẹ Ti Uwẹ Bhọ
INỌNTA NIN ẸBHO KẸ NỌỌN
Bebhọ Iluẹmhin IBaibo?
Min ewanniẹn rẹji inọnta rẹji iluẹmhin iBaibo nin man nẹn ẹbho luẹ ọsọhẹ.
