Mẹn Be Sẹ Muegbe?
Mẹn Be Sẹ Muegbe Nin Mẹn Rẹ Deba Agbotu Ha Tẹmhọn Osẹnobulua?
Uwẹ dẹ sabọ munhẹn ha deba agbotu lu iwẹnna itẹmhọn Osẹnobulua . . .
Sade uwẹ luẹ iBaibo, nan erọnmhọn, yẹ yo ikolo oga ẹghe rebhe.
Sade uwẹ rẹọ bhi ebi uwẹ luẹ bhi Baibo, yẹ ha mhọn ọhubhudu nin uwẹ rẹ tale man ẹbho.
Sade uwẹ hoẹmhọn iJehova, yẹ zẹ imọẹ ne hoẹmhọn ọlẹn.
Sade uwẹ taman otu oga nin uwẹ rẹ ha ye, la otu ahinmhin-ibo nin uwẹ rẹ deba, ghe uwẹ iyẹ ribhi ibo nọnsele.
Sade uwẹ re obọ rẹkhan uhi nesi Jehova bhi iẹnlẹn nọnsẹ, bi sade ọ yẹẹ uwẹ nin uwẹ rẹ kiẹn ọkpa bhi Esali Jehova.
Ahamiẹn uwẹ riale ghe uwẹ muegbe nin uwẹ rẹ deba agbotu ha lu iwẹnna itẹmhọn Osẹnobulua, taman ọria nọn man uwẹ iBaibo. Ọle dẹ taman ene ewanlẹn. Ene ewanlẹn dẹ mhanmhan ọlẹn nin ele rẹ ne uwẹ zilo, nin ele fẹghe si uwẹ sẹle.
Mẹn Be Sẹ Muegbe Nin Mẹn Rẹ Mianmẹn?
Uwẹ dẹ sabọ mianmẹn . . .
Sade uwẹ kiẹn ọkpa bhi ene deba agbotu tẹmhọn Osẹnobulua.
Sade uwẹ lu iwẹnna itẹmhọn Osẹnobulua ẹghe-ẹghe beji ahu nọnsẹ gbele.
Sade uwẹ re obọ rẹkhan adia nin “ọguọmhandia nọn wanlan nan gbaẹkẹ ọle” re nin mhan. —Matthew 24:45-47
Sade uwẹ re egbe guẹ nin Jehova yẹ zẹ nin uwẹ rẹ re ẹdagbọn nọnsẹ rebhe ga ọle.
Ahamiẹn uwẹ riale ghe uwẹ muegbe nin uwẹ rẹ mianmẹn, taman ọria nọn man uwẹ iBaibo. Ọle dẹ taman ene ewanlẹn. Ene ewanlẹn dẹ mhanmhan ọlẹn nin ele rẹ ne uwẹ zilo, nin ele fẹghe si uwẹ sẹle.
