ISIKULU ỌSI ENE TẸMHỌN AGBEJELE Ekanẹfan ne sẹbhi ikpe 23 rẹ sẹbhi 65 ne ho Nin ele lu ba iwẹnna nin ele lu bhi ẹkẹ oga, ele sabọ rẹ yo ikolo ọsi ene ho nin ele yo Isikulu Ọsi Ene Tẹmhọn Agbejele nan da do bhi ọsodanmhẹn ẹdẹ iSunday. A dẹ tale re, ẹghe bi eji ada do ọne ikolo.

OGA BHI BẸTẸL Ibhiẹ iNigeria ne gbegberuẹ bhi amẹn fo, ne sẹbhi ikpe 35 la ne bha sẹ sẹbhi iriọ, ne ho nin ele ga bhi Bẹtẹ sabọ yo ikolo nan mhanmhan nin ele bhi ọsodanmhẹn ẹdẹ iFriday. A dẹ tale re, ẹghe bi eji ada do ọne ikolo.

A RE EMHIN RE Igho a noolo nanrẹ lu emhanmhan ọsa aga nanrẹ dotọa, emhin nanrẹ talọ bi emhin ebhebhe kẹkẹ nọn zẹle man sabọ sọ ọnyẹnmhẹn bi yẹ sabọ sikẹ Jehova bhi ọne usikoko nan. Emhin nin bha re ọkhọle re re arẹ haosa ene emhin nan. Ọle a yẹ rẹ miẹnkpa iwẹnna itẹmhọn Agbejele bhi otọ agbọn rebhe. Nọn hẹi nọghọ ẹ, a munẹ ẹkpẹti ọbhi ije kikẹ bhe eji mhan da do ọne usikoko nan. Emhin nin uwẹ i rẹ sabọ rie re dẹ ti mhan bhọ. Otu ne Sun Oga Esali Jehova yi bha rebhe obulu bhi uwedẹ nin bha rẹ ze emhin bhi obọ rẹ miẹnkpa ọne iwẹnna Agbejele nan bhi otọ agbọn rebhe.

EJADA DOTỌA Huẹan, ria ẹmhọn eria ebhebhe. Yere ghe, uwẹ sabọ sotọ khẹ eria nin bha ko nan bhi imoto ọkpa vae, eria nin bha ko nyẹn bhi uwa bi eria nin uwẹ man ele iBaibo. Huẹan, hẹi ne emhin bhi uki aga nan miẹn ọiyi ọria uwẹ mun ọne otọ khẹ.

EMHIN NE YULUA NAN MIẸN Ne emhin rebhe nan bha miẹn ọnọn nyan lẹn diọbhi eja da guanọ Emhin Ne Yulua Nan Miẹn. Ahamiẹn emhin nọnsẹ yulua, diọ bhi enan dọ guanọ lẹn. Uwẹ ha miẹn ọmọn nọn bibi sibhi eji ene biẹ ọle ye re, nọn yulua, re ọle diọbhi ọne uwa nan. Ọrẹ yiriọ, ọbha khẹke nan ha ghe enan bii ejada gbẹloghe ibhokhan. Huẹan, gbẹloghe ibhokhan nesẹ ẹghe rebhe, uwẹ ha nele sikẹ egbe.

ENE RE OBỌ KPA Ene re obọ kpa muegbe ne rẹ rẹkpa ẹ. Huẹan, ka ele ehọ. Lu rẹkhan ebi ele ta rẹji eji uwẹ ha mun imoto nọnsẹ i, uwedẹ nin uwẹ ha rẹkhan nan bhi ẹkẹ ejada do usikoko, bi eji uwẹ ha rẹkhan dagbare. Yẹ rẹkhan adia nọnsele rẹji ejada dotọa bi emhin ebhebhe.

IGBEGBERUẸ BHI AMẸN Aga nin ene da gbegberuẹ bhi amen ada dotọa ribhi odalo esẹ. Ahamiẹn ọiyi riọ, adẹ taman ẹn eji ọkhin. Ọkhẹke nin ene ho ne gbegberuẹ bhi amẹn rẹ dotọa bhi enin, ọkuẹsẹ ọta ọsi igbegberuẹ bhi amẹn munhẹn ọsewewiẹ bhi edẹ iSatọde. Ọdeọde re ukpọn nanrẹ ka amẹn bhi egbe bi ukpọn nọn gbale nanrẹ nan bhi amẹn re.

IWẸNNA NAN ZEGBERE LU Ahamiẹn uwẹ ho nin uwẹ miẹnkpa bhi iwẹnna nan ha lu bhi ọne usikoko nan, huẹan, ji ene ribhi ejada zegbere bhi iwẹnna lẹn.

UMIẸNKPA ỌSI ỌHẸNHẸN RẸJI ENE KHỌNMHỌN Huẹan, yere ghe umiẹnkpa rẹji EMIANMHẸN IGUAGUAKO ỌKPA khọnan.