1. Jehova n’Osẹ datie mhan

Nin mhan dọ khian rẹkhan ’lẹn;

Nin mhan yẹ r’egbe khọkhọ ’le

Bej’Ọle rẹ hoẹmhọn mhan.

Mhan ha luemhin n’Ọle tale,

Iẹnlẹn dẹ mhẹn nin mhan.

Jehova dẹ wo hoẹmhọn mhan,

Ọle dẹ yẹ gbega mhan.

2. Jehova gene hoẹmhọn mhan

Bej’Aba rẹ hoẹmhọn ’mọn.

Arẹmiẹn ọ bha gba nin mhan,

Ọle sẹyẹ hoẹmhọn mhan.

Bha ji mhan yẹ r’ọkhọ rebhe

J’Ọle lẹn mhan hoẹmhọn ’lẹn.

Ọnan h’emhin nọn k’okhun nẹ

Bh’emhin nin mhan lu n’Osẹ.

3. Mhan dẹ r’oyẹẹ man ibhio mhan

Bej’Osẹ rẹ hoẹmhọn mhan.

Sade ele r’ẹkẹ khọ mhan,

Mhan dẹ yẹ gbekua n’ele.

Ọkhẹke nin mhan r’ob’esi

Mu’ọrebhe nin mhan miẹnlẹn,

N’ẹbho rebhe dọ dagh’ọle

Mhan r’egbe rẹ khọkh’Osẹ.