ILLO 108
Oyẹẹ Nin Osẹnobulua Mhọn Da Mhan
(Isaiah 55:1-3)
-
1. Jehova, n’Osẹ mhan,
’Wẹ gene hoẹmhọn mhan rebhe,
’Wẹ da j’ukpọmọn ’kpa nọnsẹ
Nọn dọ yu bh’olukhọ ’sẹmhan;
Nin mhan da sabọ ha nyẹnlẹn
Bh’ọfubhegbe bhi ’ghegheghe.
(KORỌS)
Eria ne guanọ ’fure,
Bha dọ bui Jehova re.
Ọ dẹ r’iẹnlẹn nin bha
Rẹ sẹbhi ’ghegheghe.
-
2. Jehova, n’Osẹ mhan,
’Wẹ h’Osẹ nọn m’emhin rebhe.
’Wẹ da r’Ejele nin Jesu
N’ọle gbẹlogh’agbọn rebhe.
Oyẹẹ zẹ ’wẹ luenan rebhe.
Mhan khuẹnmhun ’wẹ bh’oyẹẹ nọnsẹ.
(KORỌS)
Eria ne guanọ ’fure,
Bha dọ bui Jehova re.
Ọ dẹ r’iẹnlẹn nin bha
Rẹ sẹbhi ’ghegheghe.
-
3. Jehova, n’Osẹ mhan,
Yẹ taman mhan nin mhan rebhe
Ha r’oyẹẹ tẹmhọn nọnsọle
Man ẹbho rebhe nin mhan miẹn.
N’ele dọ deba mhan g’Osẹ,
Ọle zẹle mhan ti’ọrebhe.
(KORỌS)
Eria ne guanọ ’fure,
Bha dọ bui Jehova re.
Ọ dẹ r’iẹnlẹn nin bha
Rẹ sẹbhi ’ghegheghe.
(Sẹyẹ fẹ enan ghe bhi Baibo: Ps. 33:5; 57:10; Eph. 1:7.)
