1. Aba mhan nin Jehova,

Osẹ nọn mhọn iziẹngbe nọn.

Ọ ho n’ẹbho rebhe họn

Ẹmhọn Ejele nọnsọle.

Ọle zẹle ọ ziẹngbe

N’ẹbho dọ tobele zẹ,

S’ele dẹ gene ga ’le;

S’ele dẹ fidenọ.

En’ẹbhọ ha dọ ga ’le,

Ọle dẹ r’umiẹnfan n’ele.

Ẹghe nọn ha rẹ bhohiẹn,

Ọ ida yẹ gb’ele khuelo.

2. Bha ji mhan bhii Jehova

N’ọle yẹ r’iziẹngbe nin mhan.

Iziẹngbe dẹ rẹkpa mhan

N’ọkhọle mhan rẹ wo lọre.

Ọ dẹ sẹyẹ rẹkpa mhan

Sade mhan ribh’ọnọghọ.

Ẹbho ha rẹ rahiẹ mhan,

Mhan dẹ r’iziẹngbe man.

Sade mhan mhọn iziẹngbe,

Sade mhan r’egbe khọkh’Osẹ,

Osẹ dẹ wo hoẹmhọn mhan.

Ọ dẹ yẹ n’erọnmhọn nin mhan.