1. IJehova mhan khuẹnmhun ’wẹ

Bh’ẹsele nu lu nin mhan.

’Wẹ r’obesi, yẹ r’ifuẹkẹ

Rẹ gbẹloghe mhan rebhe.

Ranmhud’ọnan, mhan rolo ẹ,

Mhan yẹ r’ekhuẹnmhẹn j’uwẹ.

Mhan dẹ re ’ghọnghọn rẹ ga ẹ,

Mhan dẹ ga ẹ s’ọkpẹnlẹn.

2. Emhin rebhe nu lu nin mhan

Rẹ man lẹn ’wẹ hoẹmhọn mhan.

Imhan rebhe ne hoẹmhọn ẹn

Yẹ ho nin mhan lu nọnsẹn.

Ọnan zẹ mhan n’ije rebhe

Dọ ha tẹmhọn elin ẹn,

N’ẹbho rebhe ne hoẹmhọn ẹn

Vae dọ deba mhan ga ẹ.

3. IJehova imhan bhii ẹ,

Mhan guanọ nu rẹkpa mhan

Nin mhan rebhe ha luebe mhẹn

N’ibhio mhan ne ribh’oga.

IJehova, mhan yẹ bhii ẹ

N’uwẹ n’erọnmhọn nin mhan,

Beji mhan rẹ wo dọnmhegbe

Rẹ luebe mhẹn n’ọrebhe.