ILLO 136
Ihaosa Nọn Na bhi Obọ IJehova Vae
(Ruth 2:12)
-
1. Ẹsọn n’uwẹ miẹn nin Jehova n’Osẹ,
Iẹnlẹn n’uwẹ rẹ ga ’le,
Ene ’mhin rebhe n’uwẹ fi ’keke gbe
Nu da sabọ ha ga nọnsẹn,
Osẹ nin mhan ga dẹ r’ihaosa n’uwẹ;
Ọle dẹ n’erọnmhọn n’uwẹ;
Ọle dẹ daghe oyẹẹ nu rẹ ga ’le;
Ọle ida z’uwẹ obọ.
(KORỌS)
IJehova dagh’eb’u lu nanlẹn.
Ọle dẹ r’ihaosa nọn gba n’uwẹ.
Ọle dẹ r’ugue ’sọle gue ẹ.
Iriọ ọle vele, iriọ ọ da lu.
-
2. Asabọ rẹ miẹn ọnọghọ n’uwẹ ye
Wo dọ re ’gbe ha lọlọ ẹ.
Ekpokpo n’uwẹ miẹn bh’agbọn nan ye nan
Sabọ r’iẹnlẹn nọghọ ẹ.
Eb’ọ ki rẹ khin n’uwẹ miẹn bh’agbọn nan,
Dọ viẹ bui Jehova n’Aba.
Ọ dẹ rẹkpa ’wẹ; ọ dẹ gbẹloghe ẹ;
Ọ dẹ r’ikoudure n’uwẹ.
(KORỌS)
IJehova dagh’eb’u lu nanlẹn.
Ọle dẹ r’ihaosa nọn gba n’uwẹ.
Ọle dẹ r’ugue ’sọle gue ẹ.
Iriọ ọle vele, iriọ ọ da lu.
(Sẹyẹ fẹ enan ghe bhi Baibo: Judg. 11:38-40; Isa. 41:10.)
