1. Ranmhude ọ bha gba nin mhan,

Ọkhọle mhan hiẹ mhan.

Ọnan zẹle nọn da khẹke

Nin mhan ha gbega ’le.

Jehova dagh’ọkhọle mhan,

Ọ lẹn ’bi mhan diayẹ.

Ji mhan gbega ọkhọle mhan,

Nin ’ẹnlẹn mhẹn nin mhan.

2. Bha ji mhan re ’khuẹnmhẹn n’Osẹ

Bh’emhin nọn lu nin mhan.

Bha ji mhan bhi’ọle ẹdẹdẹ

N’ọle ha rẹkpa mhan.

Osẹnobua r’adia nin mhan

Nin mhan ha lu rẹkhan.

Sade mhan r’obọ rẹkhan ’lẹn,

Ọle dẹ gbega mhan.

3. Mhan dẹ gbega ọkhọle mhan

Bh’emhin n’Osẹ hele.

Mhan dẹ ha r’ọta nọn tale

Rẹ dia ọkhọle mhan.

Jehova dẹ r’ahu nin mhan

Si mhan sun rẹkhan ’lẹn.

Bha ji mhan r’ọkhọ mhan rebhe

Rẹ ga ’le s’ọkpẹnlẹn.