ILLO 55
Hẹi Ji Ofẹn Ele Mun Uwẹ
-
1. Obhi mẹn, hẹi j’ofẹn mun ẹn.
Situa bh’oga n’uwẹ ga;
Wew’Agbejele sẹmhẹn;
Tale n’ẹbho rebhe họn,
Ghe Ọmọn ’sẹmhẹn nọn l’ojie
Khọn Esu miotọ bh’okhun,
Ọle dẹ kẹ gb’ọle khuelo
Nọn ’fure ha ribh’otọ.
(KỌRỌS)
Ọmọn mẹn nin mẹn hoẹmhọnlẹn,
Hẹi j’emhin r’ofẹn mun ẹn.
Mẹn tobọmẹn dẹ gbega ẹ.
Mẹn ida j’emhin ruan ẹn.
-
2. Ẹbho a rẹ ha kpokpo ẹ,
E ha rẹ mu’okhọn bu ẹ,
E ha rẹ denyẹny’uwẹ,
Ele ha rẹ zuọzuọ ẹ,
Hẹi j’ofẹn ’le zẹwẹ mun ẹn.
Imẹn ribhi ’keke ẹ.
’Wẹ ha mun ’du nọnsẹ nyan mẹn,
Emhin soso ilu ẹ.
(KỌRỌS)
Ọmọn mẹn nin mẹn hoẹmhọnlẹn,
Hẹi j’emhin r’ofẹn mun ẹn.
Mẹn tobọmẹn dẹ gbega ẹ.
Mẹn ida j’emhin ruan ẹn.
-
3. ’Wẹ ha ga mẹn sẹbh’ọkpẹnlẹn,
Mẹn dẹ r’ihaosa n’uwẹ.
Mẹn dẹ r’iẹnlẹn n’uwẹ.
Mẹn dẹ re ’ghọnghọn n’uwẹ.
Arẹmiẹn ’wẹ kuẹlo bh’uu,
Hẹi j’ọnin r’ofẹn mun ’wẹ.
Mẹn dẹ sabọ riọ ẹ kpanọ
Bh’agbọn ’sọgbọn nọn vade.
(KỌRỌS)
Ọmọn mẹn nin mẹn hoẹmhọnlẹn,
Hẹi j’emhin r’ofẹn mun ẹn.
Mẹn tobọmẹn dẹ gbega ẹ.
Mẹn ida j’emhin ruan ẹn.
(Sẹyẹ fẹ enan ghe bhi Baibo: Deut. 32:10; Neh. 4:14; Ps. 59:1; 83:2, 3.)
