ILLO 75
“Ghe Mẹn bhi Enan! Je Mẹn!”
(Isaiah 6:8)
-
1. Ẹbho bha lẹn ej’ele khian.
E bha lẹn Osẹnobulua.
Eso yọle a imi’Osẹ.
Eso yọle ọ wẹghẹ gbe.
Họ bhọ ha yo dọ tam’ele
Ne lẹn ọ nin Jehova khin?
(KORỌS 1)
‘Osẹ ghe mẹn, je mẹn! Je mẹn!
Imẹn dẹ yo dọ tam’ele.
Ọ dẹ yẹẹ mẹn rẹ yo, Osẹ mẹn.
Je mẹn nin dọ tam’ele.’
-
2. Ẹbho wo luebe ’le guanọ.
Ofẹn nọns’Osẹ imu’ele.
E kan’eran, e kok’ekẹn
N’ele rẹ m’osẹ n’egbe ’le.
Họ bhọ da dọ sekha n’ele,
Ghe, ẹd’ibhohiẹn sotọ fo?
(KORỌS 2)
‘Osẹ ghe mẹn, je mẹn! Je mẹn!
Mẹn dẹ wo dọ sekha n’ele.
Ọ dẹ yẹẹ mẹn rẹ yo, Osẹ mẹn.
Je mẹn nin dọ tam’ele.’
-
3. Ọbe nọn ribh’ọn’agbọn nan
R’ẹmhọn ’n’agbọn nan lọ ẹbho.
Eso bhọ guanọ n’ele lẹn
Ẹmhọanta nọn re ’ghọnghọn re.
Họ bhọ da yo dọ tam’ele
Ẹmhọn nọn ha r’ahu n’ele?
(KORỌS 3)
‘Osẹ ghe mẹn! je mẹn! Je mẹn!
I dẹ r’ifuẹkẹ tam’ele.
Ọ dẹ yẹẹ mẹn rẹ yo, Osẹ mẹn.
Je mẹn nin dọ tam’ele.’
(Sẹyẹ fẹ enan ghe bhi Baibo: Ps. 10:4; Ezek. 9:4.)
