1. Ebe nọn khiale nin Jehova rẹ mhan;

Ebe nan lẹn bh’ọn’otọ nan rebhe;

Ọn’Ojiebe, ọle a tiọle Baibo,

Nọn r’ẹwanlẹn nin mhan rẹ ha nyẹnlẹn.

Eria ne mhẹn Osẹnobua rẹ gbọn ’lẹn.

Ene ’ria nan wo gene ga nọnsẹn.

Jehova r’ẹlinmhin nọn khiale z’ele,

Ahu nọnsọle ele rẹ gbọn ’lẹn.

2. Mhan dẹ sabọ mi’emhin ne bun bhi Baibo;

Eb’Osẹnobua rẹ m’agbọn nan yẹ;

Ọ da m’eria ne ha nyẹn bh’ọfubhegbe,

N’ele ha nyẹnlẹn khian bhi ’ghegheghe.

Baibo da yẹ tẹmhọn ẹhi nọn sọtẹ;

Ọn’ẹhi sọtẹ da iJehova;

Ọle h’Esu nọn zugh’emhin rebhe a.

Jehova dẹ kẹ hẹnh’emhin rebhe.

 3. Bh’agbọn ’sọgbọn nin Jehova v’iv’ọle,

Jesu dẹ ha gbẹlogh’ẹbho rebhe.

Ọn’ive nin, ọle re ’ghọnghọn nin mhan,

Mhan lẹn iloya rebhe dẹ kẹ fo.

Ranmhud’ọnan mhan tatie ẹbho rebhe,

N’ele dọ deba mhan bh’eghọnghọn nan.

Mhan dẹ mi’emhin nan rebhe tie bhi Baibo;

Ji mhan rebhe ha ti’ọle ẹdẹdẹ.