Jacob da ne ẹhi dan ranmhude ọle guanọ nin ọle miẹn erọnmhọn bhi obọ iJehova. (Ge 32:​24-31; Ho 12:​3, 4) Imhan kii? Mhan dẹ yẹ dọnmhegbe nin mhan rẹ hẹnmhọn nin Jehova yẹ miẹn erọnmhọn bhi obọ nọnsọle? Bhi ọsi ijiẹmhin, ahamiẹn ghe ẹdẹ ẹki la iwẹnna de fiọ bhi ẹdẹ ikolo oga, ọnela mhan da yo? Mhan ha mun iJehova kalo yẹ re ẹghe nọnsẹmhan, ahu nọnsẹmhan bi emhin rebhe nin mhan mhọn rẹ ga ọle, ọle dẹ manman nan erọnmhọn nin mhan. (Mal 3:10) Ọle ki dia mhan, gbega mhan, yẹ gbẹloghe mhan.​—Mt 6:33; Heb 13:5.

GHE ỌNE IVIDIO NATIỌLE HẸI JI EMHIN SOSO DENỌ UWẸ ẸLO SIBHI IWẸNNA OGA RE. BHA HA KI GHE ỌLE FO, WANNIẸN ENE INỌNTA NAN:

• Be emhin nọn yẹẹ ọne obhio mhan nan rẹ kiẹn edọnmhẹn ji ọle yẹ?

• Be iwẹnna nin mhan lu, la ẹki nin mhan do ha rẹ sabọ kiẹn edọnmhẹn ji mhan yẹ?

• Bezẹle nin Paul nin odibo da taman iTimothy nọn sẹyẹ ha khu ọbhi iwẹnna oga arẹmiẹn ghe Timothy ka lu nọnsẹn fo bhi oga?​—1Ti 4:16

• Be imhan ha rẹ rẹman yẹ ghe ilọnmhọn oga hi iwẹnna ọkalo nọnsẹmhan?