UNYẸNMHIN NỌN KHẸKE ENE RẸKHAN IJESU
“Bha Muno Ẹbọ Kua”
Arẹmiẹn ghe Jehova bha sẹ gbuhi nin ẹbho nesọle, nin ele hẹi ha ga ẹbọ, Jacob lẹn fo ghe iJehova ọkpa ọkhẹke nin ọria ha ga. (Ex 20:3-5) Ọnan zẹle, ẹghe nin Jehova rẹ taman ọlẹn nin ọle kpanọ ha khian otọ iBethel, Jacob da taman ọrebhe bhi azagba-uwa nọnsọle nin ele muno ẹbọ nesele kua. Jacob da miẹn ene ẹbho ẹbọ nesele rebhe, rẹ sẹbhi ebanebhehọ ne diẹn mun ilọnmhọn-ikpẹbo. Ọle da gbe ele wotọ. (Ge 35:1-4) Edandan iribhọ ghe emhin nin Jacob lu dẹ wo ti Jehova bhọ.
Be imhan ha rẹ rẹman yẹ ghe Jehova ọkpa mhan ga? Uwedẹ ọkpa hi, nin mhan rẹ rẹban emhin nọn irẹ khin nọn diẹn mun ẹbọ, ilọnmhọn-ikpẹbo bi ilọnmhọn-idunan. Ahamiẹn mhan mhọn emhin ne sẹriọ soso, ọkhẹke nin mhan ne ele kua. Bhi ọsi ijiẹmhin, nọọn egbe ẹ: ‘Ebe bi finmu ne diẹn mun ilọnmhọn-ikpẹbo mẹn be rẹ re egbe re ahoho? Ividio nin mẹn ghe be re ilọnmhọn-idunan, ikhunmhun nan kpe, la ihẹn nan ve diabe emhin ne bha khọ gbe?’ Ọkhẹke nin mhan re egbe nẹ bhi emhin nin Jehova hele.—Ps 97:10.
GHE ỌNE IVIDIO NATIỌLE “NE ESU SUAN.” BHA HA KI GHE ỌLE FO, WANNIẸN ENE INỌNTA NAN:
-
Be hi edọnmhẹn nin okhuo ọkpa nan ha man ọlẹn iBaibo miẹn bhi egbe?
-
Bezẹle nọn da khẹke nan guanọ urẹkpa bhi obọ ene ewanlẹn bhi agbotu ahamiẹn ọria riale ghe azẹn kpokpo ọle?
-
Sikẹ Osẹnobulua, uwẹ ha ne Esu suan.—Jas 4:7, 8
Be hi emhin nọn khẹke nin mhan ne kua sade mhan guanọ ogbaga bhi obọ iJehova?
-
Be ọne okhuo nọn ha luẹ iBaibo lu?
-
Be hi emhin eso nin uwẹ ha rẹban nin uwẹ hẹi dọ je obọ bhi ilọnmhọn ikpẹbo?
