Fẹbuare 26–Mach 3
PSALMS 11-15
Illo 139 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Ha Ghe Egbe Uwẹ Bhi Agbọn Ọfubhegbe Nin Osẹnobulua Vele
(Ihuẹnlo 10)
Okhọnlẹn bi ugbele nabhọre sade ẹbho bha ka re obọ rẹkhan uhi bi adia nan ne ọbhi otọ (Ps 11:2, 3; w06 5/15 18 ¶3)
Mhan rẹọbhọ ghe Jehova dẹ kẹ re ọkpẹnlẹn ọbhi okhọnlẹn bi ugbele (Ps 11:5; wp16.4 11)
Mhan ha ria ẹmhọn ive ọsi umiẹnfan nin Jehova ve nin mhan, ọ dẹ sabọ rẹkpa mhan rẹ ha ziẹngbe khẹ ẹghe nin agbọn ọsọgbọn ha rẹ vae (Ps 13:5, 6; w17.08 6 ¶15)
EBI UWẸ HA SABỌ LU: Tie Ezekiel 34:25, uwẹ ha yẹ dọnmhegbe daghe egbe uwẹ bhi eji a tẹmhọnlẹn bhi ọne ulọnlẹn nin.—kr 236 ¶16.
2. Emhin Oriọn Ne Ghanlẹn
(Ihuẹnlo 10)
-
Ps 14:1—Uwedẹ nela emhin nan tẹmhọnlẹn bhi ọne ulọnlẹn nan ha rẹ sabọ rẹso Kristiẹn? (w13 9/15 19 ¶12)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 13:1–14:7 (th iluẹmhin 2)
4. Munhẹn Ne Ọria Ha Zilo
(Ihuẹnlo 2) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Tie ọne ọria vae bhi Ayere Ọsi Uyumhin Nọnsi Jesu. (lmd uduọle 3 bhi iluẹmhin 5)
5. Munhẹn Ne Ọria Ha Zilo
(Ihuẹnlo 1) ITẸMHỌN OSẸNOBULUA RẸ NABHI UWA RẸ SẸBHI UWA. Tie ọne ọria vae bhi Ayere Ọsi Uyumhin Nọnsi Jesu. (lmd uduọle 4 bhi iluẹmhin 3)
6. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA RẸ NABHI UWA RẸ SẸBHI UWA. Ọne ọria rẹman ghe ẹmhọn Ayere Ọsi Uyumhin Nọnsi Jesu ti ọle bhọ. (lmd uduọle 4 bhi iluẹmhin 7)
7. Re Ẹbho Kiẹn Edibo
(Ihuẹnlo 5) lff ebi mhan luẹle bhi iluẹmhin 13, uwẹ be yẹ yere? bi lu ọnan. Noo uhọnmhọn-ọta bhi obọ natiọle “Fẹ Ene Emhin Nan Ghe” rẹ rẹkpa ọria nin uwẹ man ọle Baibo rẹ lẹn ẹlo nin Osẹnobulua rẹ ghe oga ohoghe. (th iluẹmhin 12)
Illo 8
8. “Ẹwanlẹn Mhẹn Gbera Emhin Okhọnlẹn”
(Ihuẹnlo 10) Izilo.
Okhọnlẹn bi ugbele wo vuọn ọne agbọn nan ẹlẹnan. Sokpan, Jehova lẹn ghe emhin nọn sẹriọ dẹ sabọ re imhan ha kpokpo egbe. Ọle yẹ lẹn ghe mhan guanọ ugbega. Bhiriọ, ọle noo ọta nọnsọle nin Baibo rẹ gbega mhan.—Ps 12:5-7.
Ọta ẹwanlẹn ne bunbun ribhi Baibo ne “mhẹn gbera emhin okhọnlẹn.” (Ec 9:18) Fẹ ebi ene adia nan bhi Baibo ha rẹ gbega mhan yẹ nin okhọnlẹn bi ugbele hẹi sunu ji mhan.
-
Ec 4:9, 10—Uwẹ ọkpa hẹi ha dia bhi eje fiahiẹ a la eje bha khẹke
-
Pr 22:3—Ha gbẹlokotọ bhi ebe sunu nẹga uwẹ bhi eji uwẹ hi ki rẹ ha ye
-
Pr 26:17—Hẹi ha mun unun ọbhi igbugan nọn bha rẹtẹ uwẹ
-
Pr 17:14—Sibhi eji uwẹ ye re sade uwẹ daghe ọle ghe emhin ebe dẹ kẹ sunu bhi enin. Sibhi ẹwẹ ẹbho re ne sikoko ha si ozoghu
-
Lu 12:15—Hẹi mun iẹnlẹn nọnsẹ ọbhi okhẹnan ha gbega emhin nin uwẹ mhọnlẹn
Re Ọne IVIDIO Man Natiọle Re Egbe Khọkhọ Ene Mhọn Urẹọbhọ, Ọ Iyi Ene Imhọn Urẹọbhọ—Enọk, Ọ Iyi Lamẹk. Bha ha ki ghe ọle fo, nọọn ọne inọnta nan:
Be ọne aba rẹ re egbe khọkhọ ijiẹmhin ọsi Enọk yẹ ẹghe nin ọle rẹ kuẹlo da okhẹnan?—Hib 11:5
Bhi idia eso, Kristiẹn sabọ ha riale ghe ọkhẹke nin ọle lu emhin nọn hi ki rẹ khin nin ọle rẹ gbega egbe ọle bi emhin nesọle. Ọkpakinọn, aharẹmiẹn ọle ho nin ọle gbega egbe ọle, ọkhẹke nin ọle donmhegbe beji a ha da miẹn ghe ọle bha gbe ọria a.—Ps 51:14; fẹ “Ọta Nin Eria Ne Tie Ebe Nesẹmhan Nọọn” ghe, nọn ribhi The Watchtower ọsi Julai 2017.
9. Ẹdẹ Satọde Mach 2 Mhan Ha Munhẹn Ha Tie Ẹbho Vae Bhi Ayere Ọsi Uyumhin Nọnsi Jesu
(Ihuẹnlo 5) Ọwanlẹn ha re ọne ọta nan man. zilo nyan ọne ebe nan rẹ tie ẹbho. Taman ọrebhe ebi bha ha rẹ gha ọne ebe nẹga yẹ, emhanmhan ọsi agbotu nọnsẹbha rẹji ọta kpataki, bi ebi bha ha rẹ lu Ayere Ọsi Uyumhin Nọnsi Jesu yẹ. Ye ọrebhe egbe re ghe ele dẹ sabọ lu ọkanẹfan ọsi ẹgheso yẹ gbe uri-agogo 15 bhi uki ọsi Mach bi Epre.
10. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 6 ¶9-17
