Fẹbuare 19-25
PSALMS 8-10
Illo 2 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Mẹn Dẹ Gẹn Jehova
(Ihuẹnlo 10)
Osẹ nọn mhẹn Jehova khin rẹji mhan (Ps 8:3-6; w21.08 3 ¶6)
Mhan wo gẹn Jehova sade mhan taman ẹbho ẹmhọn iwẹnna ọhan-ilo nesọle (Ps 9:1; w20.05 23 ¶10)
Mhan yẹ gẹn Jehova sade mhan re ọkhọle rebhe so illo ji ọle (Ps 9:2; w22.04 7 ¶13)
NỌỌN EGBE Ẹ, ‘Uwedẹ ebhebhe nela mẹn ha rẹ sabọ gẹn Jehova?’
2. Emhin Oriọn Ne Ghanlẹn
(Ihuẹnlo 10)
-
Ps 8:3—Be ọria nọn gbẹn ebe ọsi psalm re ọle ta ẹghe nọn rẹ tẹmhọn ikpẹn-obọ nọnsi Osẹnobulua? (it-1 832)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 10:1-18 (th iluẹmhin 11)
4. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA RẸ NABHI UWA RẸ SẸBHI UWA. Ọria nin uwẹ kere bhi uwa taman uwẹ ghe ọle bha rẹọbhọ Osẹnobulua. (lmd uduọle 4 bhi iluẹmhin 5)
5. Afikie Yo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Ẹghe nin bha ka rẹ zilo, ọne ọria da taman uwẹ ghe ọle bha rẹọbhọ ghe Osẹnobulua ribhọ, sokpan ọle ho nin ọle daghe emhin ne rẹman ghe Aman ribhọ nọn man emhin. (th iluẹmhin 7)
6. Ọta
(Ihuẹnlo 5) w21.06 6-7 ¶15-18—Uhọnmhọn-ọta: Rẹkpa Ọria Nin Uwẹ Man Ọlẹn Baibo Rẹ Sabọ Ha Gẹn Jehova. (th iluẹmhin 10)
Illo 10
7. Ebi Uwẹ Ha Rẹ Sabọ Tẹmhọn Osẹnobulua Man Ọria Yẹ Sade Uwẹ Lu Ilọnmhọn Ukpẹdẹ-ukpẹdẹ
(Ihuẹnlo 10) Izilo.
Uwedẹ ọkpa nin mhan ha rẹ sabọ ha re ogẹn ji Jehova hi sade mhan tẹmhọn ọlẹn man ẹbho nin mhan miẹn beji mhan rẹ lu ilọnmhọn ukpẹdẹ-ukpẹdẹ. (Ps 35:28) Bhi ẹghe ọhẹnhẹn, ofẹn sabọ ha mun mhan rẹ tẹmhọn Osẹnobulua man ọria beji mhan rẹ lu ilọnmhọn ukpẹdẹ-ukpẹdẹ. Sokpan, ahamiẹn mhan luẹ ebi a rẹ munhẹn ne ọria talọ yẹ nọnsẹn, ọ ki lẹkhẹ nin mhan rẹ ha ne ọria zilo. Sẹyẹ, mhan ki yẹ sọnyẹnmhẹn nin mhan rẹ lu iriọ.
Re Ọne IVIDIO Man Natiọle Muegbe Nin Uwẹ Rẹ Wewe “Ọta Nọn Mhẹn Ọsi Ọfure”—Noo Isẹhoa Nin Uwẹ Miẹn. Bha ha ki ghe ọle fo, nọọn ọne inọnta nan:
Be uwẹ miẹn luẹ bhi ọne ividio nan nọn ha sabọ rẹkpa uwẹ ha tẹmhọn Osẹnobulua nọnsẹn sade uwẹ lu ilọnmhọn ukpẹdẹ-ukpẹdẹ?
Emhin eso ne ha sabọ rẹkpa uwẹ munhẹn ha ne ọria zilo:
-
Ẹghe nọn hi ki rẹ khin nin uwẹ rẹ sibhi uwa re, guanọ uwedẹ nin uwẹ ha rẹ munhẹn ne ọria zilo. Nan erọnmhọn ji Jehova, uwẹ ha yẹ taman ọlẹn nin ọle dia uwẹ bu eria ne mhọn ọkhọ esili nin uwẹ ha sabọ ne zilo
-
Ne ẹbho nin uwẹ miẹn lu emhin bii ọmọẹ, uwẹ ha yẹ rẹman ele ghe ẹmhọn ele rẹtẹ uwẹ. Gbẹlokotọ bhi egbe ọne ọria, nin uwẹ da sabọ miẹn emhin nọn ha rẹkpa uwẹ rẹ lẹn ẹmhọanta bhi Baibo nin uwẹ ha rẹman ọlẹn
-
Dọnmhegbe re nọba ọsi ọne ọria sade uwẹ dẹ sabọ lu iriọ
-
Hẹi ji egbe lọ uwẹ sade ọne ọria bha ka uwẹ ehọ
-
Ji ẹmhọn ọne ọria ha ri uwẹ bhi ọkhọle sade bha zilo fo. Ha ji linki nọn tẹmhọn ijeso bhi Baibo la uhọnmhọn-ọta bhi jw.org ji ọle
Ebi uwẹ ha sabọ lu: Ọria ha nọọn uwẹ yọle, ‘Be ibha ki lu?,’ Uwẹ sabọ rẹ taman ọlẹn emhin nin uwẹ luẹ bhi ikolo oga la iwẹnna nin uwẹ lu nin uwẹ rẹ man ẹbho Baibo.
8. Emhin Ne Rẹtẹ Agbotu Mhan
(Ihuẹnlo 5)
9. Iluẹmhin Baibo Ọsi Agbotu
(Ihuẹnlo 30) bt ẹmhọn nan rẹ mun ọbọ 2 hẹn bi uhọnmhọnlẹn 6 ¶1-8
