Jẹnuare 22-28
JOB 38-39
Illo 11 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Uwẹ Be Re Ẹghe Ọbhi Otọ Rẹ Fẹ Emhin Kẹkẹ Nan Manlẹn Ghe?
(Ihuẹnlo 10)
Ẹghe nin Jehova rẹ man ọne otọ nan fo, ọle da ria eria nyan emhin nin ọle manlẹn (Ge 1:10, 12; Job 38:5, 6; w21.08 9 ¶7)
Ene ẹhi da yẹ ria eria nyan emhin nin Jehova manlẹn (Job 38:7; w20.08 14 ¶2)
Mhan dẹ sabọ ziẹn urẹọbhọ nin mhan mhọn da Jehova sade mhan ria eria nyan emhin nin ọle manlẹn, yẹ lu emhin nin mhan rẹ rẹman ghe, ene emhin ti mhan bhọ (Job 38:32-35; w23.03 17 ¶8)
2. Emhin Oriọn Ne Ghanlẹn
(Ihuẹnlo 10)
-
Job 38:8-10—Be ọne ulọnlẹn nan man mhan le rẹji Jehova nọn gbuhi ne gbale nin mhan? (it-2 222)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Job 39:1-22 (th iluẹmhin 5)
4. Munhẹn Ne Ọria Ha Zilo
(Ihuẹnlo 2) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Re ẹwanlẹn kpẹn ọne izilo sade ọne ọria bha ho nin ọle ne uwẹ talọ. (lmd uduọle 3 bhi iluẹmhin 2)
5. Afikie Yo
(Ihuẹnlo 5) ITẸMHỌN OSẸNOBULUA RẸ NABHI UWA RẸ SẸBHI UWA. Ẹdẹ nin bha ka zilo, ọne ọria da taman uwẹ ghe ọria nọnsọle yu. (lmd uduọle 3 bhi iluẹmhin 9)
6. Ọta
(Ihuẹnlo 5) lmd uduọle 1 bhi Ebi A Gbẹn Ba Ọle 1—Uhọnmhọn-ọta: Emhin Ne Sunu Ẹlẹnan Bi Uwedẹ Nin Ẹbho Rẹ Lu Emhin Rẹman Ghe Emhin Dẹ Kẹ Fidenọ. (th iluẹmhin 16)
Illo 111
7. Emhin Nin Jehova Manlẹn Rẹkpa Mhan Rẹ Re Ẹlo Nọn Khẹke Ha Ghe Egbe Mhan Sade Mhan Fẹ Ele Ghe
(Ihuẹnlo 15) Izilo.
Ẹghe nin imọẹ ea nesi Jobu rẹ ha zuọ-zuọ Jobu, sẹyẹ nin ọle da yẹ miẹn ekpokpo bhi obọ Esu, Jobu da wo ha ria ẹmhọn ọbalọ nin ọle ha ye bi ọta nin ene imọẹ ọle ha taman ọlẹn.
Tie Job 37:14. Bha ha ki tie ọle fo, nọọn ọne inọnta nan:
Be ọkhẹke nin Jobu lu nin ọle rẹ ziẹn urẹọbhọ nọnsọle?
Mhan ha ria ẹmhọn emhin nin Jehova manlẹn sade mhan ribhi ọbalọ, ọ ki rẹkpa mhan rẹ daghe ahu nin Jehova mhọnlẹn. Ọ ki yẹ ziẹn ohubhudu nin mhan mhọnlẹn rẹ sun rẹkhan ọlẹn, yẹ re imhan rẹọbhọ ghe ọle dẹ gbẹloghe mhan.—Mt 6:26.
Re Ọne IVIDIO Man Natiọle Ebi Mhan Miẹn Luẹ Bhi Ebe Nọnsi Job—Elanmhẹn Nin Osẹnobulua Manlẹn. Bha ha ki ghe ọle fo, nọọn ọne inọnta nan:
Be uwẹ luẹ bhi ọne ividio nan nọn ziẹn urẹọbhọ nin uwẹ mhọn da Jehova?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 4 ¶13-20
