Jẹnuare 8-14
JOB 34-35
Illo 30 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Ebi Uwẹ Ha Lu Yẹ Sade Ọ Diabe Ghe Emhin Ebe Sunu Ji Ẹbho Ne Mhẹn
(Ihuẹnlo 10)
Yere ghe ọ iyi Jehova mhọn obọ bhi emhin ne imhẹn ne sunu (Job 34:10; wp19.1 8 ¶2)
Ọ sabọ rẹ diabe ghe a ire oya nin eria ọbe bhi emhin ebe nọnsele; sokpan, ele ida sabọ nẹko nin Jehova (Job 34:21-26; w17.04 10 ¶5)
Uwedẹ nọn mhẹn nẹ nin mhan ha rẹ rẹkpa ẹbho ne ribhi ọbalọ hi, nin mhan rẹ man ele ẹmhọn Jehova (Job 35:9, 10; Mt 28:19, 20; w21.05 7 ¶19-20)
2. Emhin Oriọn Ne Ghanlẹn
(Ihuẹnlo 10)
Job 35:7—Be Ẹlaihu re ọle ta ẹghe nọn rẹ nọọn Jobu yọle: “Emhin nela [Osẹnobulua] miẹn bhi obọ uwẹ?” (w17.04 29 ¶3)
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Job 35:1-16 (th iluẹmhin 10)
4. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA RẸ NABHI UWA RẸ SẸBHI UWA. Taman ọne ọria ẹmhọn Baibo nin mhan man ẹbho le. (lmd uduọle 3 bhi iluẹmhin 10)
5. Munhẹn Ne Ọria Ha Zilo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Rẹman ọria nọn mhọn ibhokhan ebi ọle ha rẹ miẹn ebe, ividio bi rẹkọdi yẹ bhi jw.org nọn ha sabọ rẹkpa ọle. (lmd uduọle 4 bhi iluẹmhin 1)
6. Re Ẹbho Kiẹn Edibo
(Ihuẹnlo 5) lff uduọle 5 bhi iluẹmhin 13 (lmd uduọle 3 bhi iluẹmhin 11)
Illo 58
7. Uwẹ Be Muegbe Nin Uwẹ Rẹ Lu Iwẹnna Itẹmhọn Osẹnobulua Nan Lu Bhi Ilọnmhọn Ukpẹdẹ-ukpẹdẹ?
(Ihuẹnlo 15) Izilo.
Pọl da taman Timoti yọle: “Ha tẹmhọn Osẹnobulua ẹghe rebhe; ha lu ọle ẹghe rebhe.” (2Ti 4:2) A yẹ noo ukpọta Grik nan zedu ọle diọbhi “ha lu ọle ẹghe rebhe”, rẹ tẹmhọn usun eyokhọnlẹn ne wo muegbe ẹghe rebhe nin ele rẹ lu emhin bhi ẹghe nọn hi ki rẹ khin.” Ọne ukpọta nin wo rẹman ebi mhan rẹ wo muegbe rẹ tẹmhọn Osẹnobulua man ẹbho yẹ bhi ẹghe nọn hi ki rẹ khin nin mhan rẹ ha ne ele zilo.
Oyẹẹ nin mhan mhọn da Jehova bi ọtibhọ nin mhan mhọn da emhin nin ọle lu nin mhan, ọle re imhan tẹmhọn ikpẹ esili nesọle man ẹbho.
Tie Psalm 71:8. Bha ha ki tiọle fo, nọọn ọne inọnta nan:
Emhin esili nela rẹji Jehova uwẹ ha sabọ taman ẹbho?
Ọyẹẹ nin mhan mhọn da ẹbho rẹ imhan tẹmhọn Osẹnobulua man ele beji mhan rẹ lu ilọnmhọn ukpẹdẹ-ukpẹdẹ.
Re Ọne IVIDIO Man Natiọle Ebi Ẹbho Ne Bunbun Rẹ Miẹn Ẹmhọanta Nọn Ribhi Baibo Yẹ. Bha ha ki ghe ọle fo, nọọn ene inọnta nan:
Be iwẹnna itẹmhọn Osẹnobulua nan lu bhi ilọnmhọn ukpẹdẹ-ukpẹdẹ rẹ rẹkpa ẹbho ne bunbun rẹ miẹn ẹmhọanta yẹ?
Be ẹmhọanta nọn ribhi Baibo rẹ rẹkpa ẹbho eso ne ka rẹ ha yo otuẹ khẹ?
Be oyẹẹ rẹ rẹkpa mhan rẹ ha tẹmhọn Osẹnobulua man ẹbho yẹ beji mhan rẹ lu ilọnmhọn ukpẹdẹ-ukpẹdẹ?
Bezẹle nin uwẹ da riale ghe itẹmhọn Osẹnobulua nan lu bhi ilọnmhọn ukpẹdẹ-ukpẹdẹ rẹkpa ẹbho rẹ dọ luẹ ẹmhọn Jehova?
8. Iluẹmhin Baibo Ọsi Agbotu
(Ihuẹnlo 30) bt ẹkpẹti nọn ribhi uhọnmhọnlẹn 4 bhi apapale 33
