April 1-7
PSALMS 23-25
Illo 4 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. “Jehova Hi Ọnọn Sun Mẹn”
(Ihuẹnlo 10)
Jehova hi ọnọn sun mhan (Ps 23:1-3; w11 5/1 31 ¶3)
Jehova hi ọnọn gbega mhan (Ps 23:4; w11 5/1 31 ¶4)
Jehova re ebale nin mhan le (Ps 23:5; w11 5/1 31 ¶5)
Jehova gbẹloghe mhan beji ọsuohuan rẹ gbẹloghe ihuan nesọle.
NỌỌN EGBE Ẹ, ‘Be Jehova sẹ rẹ gbẹloghe mẹn yẹ?’
2. Emhin Oriọn Ne Ghanlẹn
(Ihuẹnlo 10)
Ps 23:3—Be bhọ hi “uwedẹ nọn khiale?” Be ha rẹkpa mhan nin mhan hẹi sibhi ọne uwedẹ re? (w11 2/15 24 ¶1-3)
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 23:1–24:10 (th iluẹmhin 5)
4. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Re ejeso bhi Baibo rẹ re ikoudure nin ọria nọn taman uwẹ ghe, ọle kpokpo egbe ranmhude emhin ne sunu bhi eji ọle ye. (lmd uduọle 5 bhi iluẹmhin 2)
5. Afikie Yo
(Ihuẹnlo 4) ITẸMHỌN OSẸNOBULUA RẸ NABHI UWA RẸ SẸBHI UWA. Rẹman ọria nọn miẹn uwẹ brọkiọ natiọle Sọnyẹnmhẹn Bhi Ighegheghe! ebi mhan rẹ man ẹbho Baibo yẹ. (lmd uduọle 3 bhi iluẹmhin 9)
6. Re Ẹbho Kiẹn Edibo
(Ihuẹnlo 5) lff uduọle 4 bhi iluẹmhin 14 (lmd uduọle 3 bhi iluẹmhin 11)
Illo 54
7. Mhan I Kaehọ Urulu Ọsi Ọriọbhe
(Ihuẹnlo 15) Izilo.
Ihuan lẹn urulu ọsi ọnọn sun ele, yẹ rẹkhan ọlẹn. Bhi obọ nọnkẹle, ele ha họn urulu ọsi ọriọbhe, ele ki nẹgbe. (Jọn 10:5) Iriọ sẹyẹ nọn, Jehova bi Jesu ne re oyẹẹ sun mhan, yẹ re ebale ọriọn nin mhan, ele mhan kaehọ ọle. (Ps 23:1; Jọn 10:11) Bhiriọ, mhan i kaehọ urulu la ọta ohoghe ọsi ẹbho ne ho nin ele wẹghẹ urẹọbhọ nọnsẹmhan an.—2Pi 2:1, 3.
Genesis uhọnmhọnlẹn ea da tẹmhọn ẹghe ọhẹnhẹn nan rẹ họn urulu ọsi ọriọbhe bhi ọne otọ nan. Esu da noo ẹyẹn rẹ ne Ivi talọ beji a ha da miẹn ghe, Ivi bha lẹn ọria nọn nanlẹn talọ. Ọle da bha ohoghe man ọlẹn, yẹ hiẹ ọle. Ọ ba bhi egbe a ghe, Ivi da ka ọle ehọ. Bhiriọ, ọnin da si ọbalọ ji ọle bi azagba-uwa nọnsọle.
Ẹlẹnan nian, Esu yẹ lu ọle beji mhan ha da ha mhọn edandan da Jehova bi agbotu nọnsọle. Ohoghe bi ọta ne bha gba ọle noo rẹ lu ọle. Bhiriọ, ọkhẹke nin mhan nẹ sade mhan họn urulu ọsi ọriọbhe. Ọ dẹ sabọ si okhẹnan ji mhan sade mhan noo ẹghe nọnsẹmhan rẹ kaehọ ene ọta nan. Sokpan, Esu be talọ gbe ọkuẹsẹ ọle hiẹ Ivi? (Ge 3:1, 4, 5) Sokpan, ahamiẹn ọria nin mhan lẹn—ọria nọn hoẹmhọn mhan yẹ mhọn emhanmhan nọn mhẹn rẹji mhan guanọ nin ọle ta ohoghe man mhan re riia elin ọsi agbotu nọnsi Jehova a kii?
Re Ọne IVIDIO Man Natiọle Hẹi Kaehọ “Urulu Ọsi Ọriọbhe.” Bha ha ki ghe ọle fo, nọọn ọne inọnta nan:
Be uwẹ miẹn luẹ bhi uwedẹ nin Jade rẹ ne inẹn ọlẹn lu emhin, ẹghe nin inẹn ọlẹn rẹ ha guanọ nin ọle ta ọta ne bha gba man ọlẹn rẹji agbotu nọnsi Jehova?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 8 ¶1-4, bi ene ẹkpẹti ne ribhi apapale 61-62
