Epre 29–Mee 5
PSALMS 34-35
Illo 10 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. “Ha Gẹn Jehova Ẹghe Rebhe”
(Ihuẹnlo 10)
Devid da wo ha gẹn Jehova arẹmiẹn ọle ribhi ọbalọ (Ps 34:1; w07 3/1 22 ¶11)
Devid bha ha re egbe ọle hio, sokpan, ọle da wo ha re Jehova hio (Ps 34:2-4; w07 3/1 22 ¶13)
Ọta nin Devid noo ẹghe nin ọle rẹ ha gẹn Jehova da wo re izebhudu nin ẹbho ne rẹkhan ọlẹn (Ps 34:5; w07 3/1 23 ¶15)
Ẹghe nin Devid rẹ sibhi eji Abimẹlẹk ye re, ikpea 400 ne ha lu akhiẹ ranmhude ugbẹloghe nọnsi Sọl da bu Devid re bhi ẹkẹ ojẹgbo. (1Sa 22:1, 2) Asabọmiẹn ẹmhọn ene ikpea Devid ha ria ẹmhọn ọlẹn ẹghe nin ọle rẹ gbẹn ẹmhọn nọn ribhi psalm.—Ps 34, ebi a gbẹn ọbhi uke okhun ọlẹn.
NỌỌN EGBE Ẹ, ‘Be mẹn ha rẹ gẹn Jehova yẹ sade mẹn ne ọria talọ bhi ikolo oga bhi uzana nọn vade?’
2. Emhin Oriọn Ne Ghanlẹn
(Ihuẹnlo 10)
-
Ps 35:19—Be Devid re ọle ta ẹghe nin ọle rẹ bhii Osẹnobulua ghe, nin ọle hẹi ji ẹbho ne bha hoẹmhọn ọlẹn ha “hian-ẹlo nin egbe ranmhude ọle”? (w06 5/15 20 ¶2)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 34:1-22 (th iluẹmhin 5)
4. Munhẹn Ne Ọria Ha Zilo
(Ihuẹnlo 2) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Ebi uwẹ ha lu yẹ ahamiẹn ọne izilo kpẹn, ghe uwẹ bha sẹ miẹn isẹhoa rẹ tẹmhọn Osẹnobulua man ọne ọria. (lmd uduọle 4 bhi iluẹmhin 1)
5. Afikie Yo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. (lmd uduọle 4 bhi iluẹmhin 2)
6. Ebi Uwẹ Ha Rẹ Gbotọ Emhin Nin Uwẹ Rẹọ I Fanọ An Man Ẹbho Yẹ
(Ihuẹnlo 5) Arẹman. ijwfq 59—Uhọnmhọn-ọta: Be Rẹkpa Esali Jehova Rẹ Lẹn Si Ele Dẹ Sabọ Deba Lu Iluemhin? (th iluẹmhin 17)
Illo 59
7. Uwedẹ Ea Nin Mhan Ha Rẹ Sabọ Gẹn Jehova Sade Mhan Ribhi Ikolo Oga
(Ihuẹnlo 15) Izilo.
Ikolo oga re isẹhoa kẹkẹ nin mhan rẹ ha gẹn Jehova. Ea bhi ene isẹhoa nan hi:
Isẹhoa Nin Mhan Rẹ Ha Ne Ẹbho Nekẹle Talọ: Mhan dẹ sabọ tẹmhọn umhẹnmhin nọnsi Jehova sade mhan ne ẹbho nekẹle talọ. (Ps 145:1, 7) Uwẹ be họn la tie uhọnmhọn-ọta soso nin uwẹ da manman miẹn elele? Isẹlobhemhin nela uwẹ sẹ miẹn bhi iwẹnna itẹmhọn Osẹnobulua? Ọria be sẹ re ọta nin ọle ta la uwedẹ nin ọle rẹ lu emhin rẹ re ikoudure nin uwẹ? Uwẹ be daghe emhin soso bhi egbe emhin nan manlẹn nọn ti uwẹ bhọ? Bhi ọsi ẹmhọanta, ẹsele nọn na bhi obọ Jehova vae ene emhin nan rebhe khin. (Jas 1:17) Dọnmhegbe rẹ kẹ vae bhi ikolo oga, nin uwẹ da miẹn otọ rẹ ne ẹbho zilo ọkuẹsẹ a mun ikolo oga hẹn.
Isẹhoa Nin Mhan Mhọnlẹn Rẹ Re Ewanniẹn Ọbhi Inọnta Bhi Ikolo Oga: Dọnmhegbe nin uwẹ rẹ re ewanniẹn ọbhi inọnta bhi ikolo oga, aharẹmiẹn osukpa nọn. (Ps 26:12) Uwẹ sabọ rẹ wo re ewanniẹn ọbhi ọne inọnta tee, la talọ ba ọnan ka ta khẹ, la talọ nyan Baibo nọn ribhọ, la ifoto nọn ribhọ, la ebi mhan ha rẹ noo ebi mhan luẹle yẹ bhi iẹnlẹn. Beji a miẹn ghe, ẹbho nekẹle dẹ yẹ khua obọ okhun, muegbe ewanniẹn ọsi inọnta ne bunbun ọbhi otọ. Ahamien ghe ewanniẹn nin mhan re ọbhi inọnta bha tan gbe, ọ ki yẹ re isẹhoa nin ẹbho nekẹle rẹ ha re ewanniẹn ọbhi inọnta rẹ re ogẹn ji Osẹnobulua.—Hib 13:15.
Illo Nan So: Wo ha re ọyaya deba so illo. (Ps 147:1) Asabọmiẹn ghe, a i da tie uwẹ nin uwẹ re ewanniẹn ọbhi inọnta bhi ẹghe nin uwẹ ha rẹ khua obọ okhun, manman nọn bhi agbotu nin ẹbho da manman bun. Sokpan, uwẹ dẹ sabọ deba so illo bhi ẹghe nọn hi ki rẹ khin nan rẹ ha so illo. Aharẹmiẹn uwẹ riale ghe, urulu nọnsẹ i manman mhẹn bhi illo nan so, lẹn sẹbhọ ghe, ọ re Jehova ghọnghọn sade uwẹ dọnmhegbe yẹ deba so ọne illo. (2Kọ 8:12) Uwẹ bhọ dẹ sabọ luẹ ọne illo ọbhi otọ bhi uwa.
Re Ọne IVIDIO Man Natiọle Okha Nọnsẹmhan Rẹ Na Bhi Ẹghe Umunhẹn—Illo Nan So, Obọ 1. Bha ha ki ghe ọle fo, nọọn ọne inọnta nan:
Bhi ẹghe nin agbotu nọnsẹmhan rẹ munhẹn, be mhan rẹ rẹman yẹ ghe emhin kpataki nọn nin mhan rẹ ha so illo rẹ gẹn Jehova?
8. Iluẹmhin Baibo Ọsi Agbotu
(Ihuẹnlo 30) bt ọta nan rẹ mun obọle 3 hẹn, uhọnmhọnlẹn 9 ¶1-7, bi ẹkpẹti nọn ribhi apapale 70
