Epre 8-14
PSALMS 26-28
Illo 34 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Ebi Devid Rẹ Ziẹn Urẹọbhọ Nọnsọle Yẹ
(Ihuẹnlo 10)
Devid da bhii Jehova nin Jehova fẹ ọkhọle nọnsọle ghe (Ps 26:1, 2; w04 12/1 14 ¶8-9)
Devid da rẹban imọẹ ne i mhẹn (Ps 26:4, 5; w04 12/1 15 ¶12-13)
Ọ da wo ha ti Devid bhọ rẹ ha ga Jehova (Ps 26:8; w04 12/1 16 ¶17-18)
Arẹmiẹn Devid dobọ ẹgheso, ọle da yẹ “re ọkhọle rebhe khian rẹkhan Jehova.” (1Ki 9:4) Bhi ọsi ẹmhọanta, uwedẹ nin Devid rẹ mun oga nọnsi Jehova mhọnlẹn, yẹ hoẹmhọn Jehova rẹman ghe, ọle gene wo re ọkhọle rebhe khian rẹkhan Jehova.
2. Emhin Oriọn Ne Ghanlẹn
(Ihuẹnlo 10)
-
Ps 27:10—Be ọne ulọnlẹn nan ha rẹ re ikoudure nin mhan yẹ sade imọẹ mhan fikeke gbe mhan? (w06 7/15 28 ¶15)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 27:1-14 (th iluẹmhin 2)
4. Munhẹn Ne Ọria Ha Zilo
(Ihuẹnlo 2) ITẸMHỌN OSẸNOBULUA RẸ NABHI UWA RẸ SẸBHI UWA. Noo ọkpa bhi itrati ne ribhi Emhin Kpataki Nin Mhan Rẹ Lu Iwẹnna Itẹmhọn Osẹnobulua. (th iluẹmhin 3)
5. Afikie Yo
(Ihuẹnlo 4) ITẸMHỌN OSẸNOBULUA RẸ NABHI UWA RẸ SẸBHI UWA. Zilo nyan inọnta nọn ribhi ikeke itrati nin uwẹ re nin ọne ọria ẹdẹ nin bha ka miẹn egbe. Re jw.org man ọne ọria, uwẹ ha yẹ rẹman ọlẹn emhin nin ọle ha sabọ miẹn bhi ẹkẹ ọle. (lmd uduọle 3 bhi iluẹmhin 9)
6. Ọta
(Ihuẹnlo 5) lmd uduọle 3 bhi ebi a gbẹn ba ọle 1—Uhọnmhọn-ọta: A Dẹ Re Ọne Otọ Nan Nọn Riia Kiẹn Ọsọgbọn. (th iluẹmhin 13)
Illo 128
7. Elasẹre Ne Wo Ha Sun Rẹkhan Jehova
(Ihuẹnlo 15) Izilo.
Ọkhẹke nin elasẹre manman dọnmhegbe nin ele da sabọ rẹban oghẹ. Bhi ọsi ẹmhọanta, eria nọn bha gba nan ele khin. Sẹyẹ, elasẹre ele khin. Ẹghe nọn rẹ wo manman ghọn ọria rẹ ne ọria nowẹ, ọle ẹghe elasẹre khin. Bhiriọ, ọ i da lẹkhẹ nin ele rẹ lu emhin nọn gbale bhi ọne ẹghe nin. Ọrẹyiriọ, ele yẹ wo dọnmhegbe nin ele rẹ ha lu emhin nọn gbale bhi ọne ẹghe usẹn nan nin ele ye. (Rom 7:21; 1Kọ 7:36) Aharẹmiẹn ẹbho sua ele ọbhọ, ọ yẹ khẹke nin ele dọnmhegbe nin ele da sabọ rẹban oghẹ, oghẹ bii nin okpea bi okpea la nin okhuo bi okhuo rẹ ha ne egbe nowẹ, la nin okpea rẹ ha fifi rẹkhan okhuo, la nin okhuo rẹ ha fifi rẹkhan okpea ranmhude ghe, ọle ho nọn nanlẹn nowẹ. (Ẹfẹ 2:2) Bhi ọsi ẹmhọanta, ẹmhọn elasẹre ne wo dọnmhegbe nin ele rẹ ha lu ebe ti Jehova bhọ wo ti mhan bhọ.
Re Ọne IVIDIO Man Natiọle Ẹghe Usẹn—Ahamiẹn Mẹn Bha Sẹ Bọ Ọdọ La Re Okhuo, Be Imẹn Ha Rẹ Rẹban Inegbenowẹ Yẹ Sade Ẹbho Sua Mẹn Bhọ Rẹ Lu Iriọ? Bha ha ki ghe ọle fo, nọọn ene inọnta nan:
-
Edọnmhẹn nela Cory bi Kamry kuẹlo da?
-
Be rẹkpa ele rẹ sabọ yẹ sun rẹkhan Jehova?
-
Adia nela bhi Baibo ha sabọ rẹkpa uwẹ sade uwẹ kuẹlo da idia nọn sẹriọ?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 8 ¶5-12
