Jehova da je iJeremiah nin ọle dọ sekha nin ene iJiu ghe ugbekhuelo dẹ bu ele re ranmhude ele yele iJehova nin Osẹnobulua nọnsele a. (Jer 13:25) Be ibhokhan Izrẹl rẹ sabọ dinian yele iJehova a yẹ? Azagba-uwa kẹkẹ bhi agbaẹbho ọsi ibhokhan Izrẹl bha yẹ ha ga nọnsẹn. Ene ọdafẹn bhi ene azagba-uwa bha yẹ ha lu rẹkhan adia nọnsi Jehova nọn ribhi Deuteronomy 6:5-7.

Azagba-uwa kẹkẹ ne mun oga mhọn nọnsẹn ẹlẹnan, ele re agbotu ziẹn nọnsẹn. Ene ọdafẹn bhi azagba-uwa dẹ sabọ rẹkpa azagba-uwa nọnsele ha ye iJehova re sade ele lu Oga ọsi Azagba-uwa nọnsẹn ẹghe rebhe. (Ps 22:27) Ghe ọne ividio nọn yọle ‘Ọkhẹke Nin Ene Ọta Nan . . . Ha Ri Bha bhi Udu’—Ọne Arẹ Gua Ọta bhi Unun ọsi Azagba-uwa Kẹkẹ. Bha ha ki ghe ọne ividio fo, re ewanniẹn ọbhi ene inọnta nan:

• Be azagba-uwa eso lu nin ele rẹ sabọ khọn miotọ bhi emhin eso ne kẹ dọn ele odẹ bhi oga azagba-uwa nọnsele?

• Be bhọ elele eso nin mhan ha miẹn sade mhan lu Oga ọsi Azagba-uwa nọnsẹmhan nọnsẹn ẹghe rebhe?

• Bebhọ emhin eso ne ha sabọ dọn mhẹn odẹ bhi oga azagba-uwa nọnsẹmhẹn? Be imhẹn ha lu nin rẹ sabọ khọn miotọ bhọ?