Illo 143 bi Erọnmhọn

Ọta Nanrẹ Munhẹn (Ọida gbera ihuẹnlo 3)

“Bha Ha Babegbe”: (Ihuẹnlo 10)

• Mt 25:1-6—Imanmhẹn igbe ne bha sẹ hẹgẹn da dagbare ha bu okpea nọn khian dọ re amhẹn. Isẹn bhi ẹwẹ ele da ha mhọn ẹwanlẹn, isẹn nekẹle bha ha mhọn ẹwanlẹn

• Mt 25:7-10—Ene isẹn ne bha ha mhọn ẹwan bha ha ribhi enin ẹghe nin ọne okpea nọn khian dọ re amhẹn rẹ vae

• Mt 25:11, 12—Ene isẹn ne ha mhọn ẹwanlẹn, ele ọkpa a tie nanbhi eji a da lu ọne ibọdọ bi ireokhuo

Guanọ Emhin Oriọn ne Ghanlẹn: (Ihuẹnlo 8)

• Mt 25:31-33—Be a re ọne ijiẹmhin ọsi ihuan bi ẹbhe ta? (w15 3/15 27 ¶7)

• Mt 25:40—Be imhan a rẹ rẹman yẹ ghe imọẹ nesi ibhio iJesu mhan khin? (w09 10/15 16 ¶16-18)

• Be bhọ eji a tiele bhi Baibo ọne uzana nan man uwẹ le rẹji Jehova?

• Emhin ne ghanlẹn ebhebhe nela uwẹ miẹn luẹ bhi eji a tiele bhi Baibo ọne uzana nan?

Baibo Nan Ha Tie: (Ọida gbera ihuẹnlo 4) Mt 25:1-23

Afikie Yo ọsi Ugbazeva: (Ọida gbera ihuẹnlo 3) Lu ọle rẹkhan uwedẹ nọn rẹ ribhi obọ natiọle “Ebi Uwẹ Ha Sabọ Ta.” Tie ọne ọria vae bhi Ayere ọsi Uyumhin Nọnsi Jesu.

Afikie Yo ọsi Ugbazea: (Ọida gbera ihuẹnlo 3) Tobọẹ zẹ iBaibo nin uwẹ ha tie. Re ọkpa bhi ebe nin mhan rẹ man ẹbho iBaibo nin ọne ọria.

Ọta: (Ọida gbera ihuẹnlo 6) w15 3/15 27 ¶7-10—Uhọnmhọn-ọta: Be Ọne Ijiẹmhin ọsi Ihuan bi Ẹbhe Rẹ Rẹman Yẹ Ghe Iwẹnna Kpataki hi Iwẹnna Itẹmhọn Osẹnobulua?

Illo 85

“Guẹ Ebi A Rẹ Lu Iwẹnna Itẹmhọn Osẹnobulua Yẹ—Man Ẹbho Nin Uwẹ Man Ele IBaibo Ebi A Rẹ Muegbe Khẹ Iluẹmhin Baibo Yẹ”: (Ihuẹnlo 10) Izilo. Ọnin ha ki fo, re ividio man, eji obhio mhan da man ọria ebi a rẹ muegbe khẹ iluẹmhin Baibo yẹ. Zilo nyan ọne ividio. Nọọn ẹbho ne ribhi ikolo, ne tare uwedẹ ọbhebhe nin ele sẹ rẹ man ẹbho ebi a rẹ muegbe khẹ iluẹmhin iBaibo yẹ.

Manman Gbe Obokhian Nin Ẹbho Nin Mhan Tie Vae: (Ihuẹnlo 5) Ọta nan da re Life and Ministry Meeting Workbook ọsi March 2016 zilo ọle. Tẹmhọn emhin esili eso ne sunu bhi ẹghe Ayere ọsi Uyumhin Nọnsi Jesu nan lu bhi 2017. Taman ọrebhe emhanmhan ne ribhi otọ, ọsi ebi a ha rẹ pak imoto yẹ, eji a da nanbhi ẹkẹ iKindọn Họọ, eji a nan dagbare bi emhin nekẹle nin mhan ha lu bhi Ayere ọsi Uyumhin Nọnsi Jesu nọn vade bhi March 31.

Iluẹmhin Baibo ọsi Agbotu: (Ihuẹnlo 30) jy uhọnmhọnlẹn 14

Ebi A Luẹle bhi Ikolo Ẹlẹnan bi Ebi A Da Luẹ bhi Ikolo bhi Uzana Nọn Vade (Ihuẹnlo 3)

Illo 79 bi Erọnmhọn