“Bha Ha Babegbe”
Arẹmiẹn ghe enanzẹle iJesu ha ta ọne ijiẹmhin ọsi imanmhẹn igbe ne bha sẹ hẹgẹn man, emhin nan miẹn luẹ bhi ọne ijiẹmhin nan rẹtẹ mhan rebhe. (w15 3/15 12-16) “Bhirio, bha ha babegbe, ranmhude bha bha lẹn ọne ukpẹdẹ la ọne uriagogo.” (Mt 25:13) Be uwẹ ha rẹ sabọ gbe otọ ọne okha nin Jesu tale fanọn an yẹ?
-
Okpea nọn khian dọ re amhẹn (ulọnlẹn 1)—Jesu
-
Ene mhọn ẹwan, ne muegbe bhi ẹwẹ ene imanmhẹn (ulọnlẹn 2)—Enanzẹle ne muegbe rẹ ha lu iwẹnna oga nan mun nin ele nọnsẹn, ne yẹ bhala bii ukpa rẹ sẹbhi ọkpẹnlẹn (Php 2:15)
-
Ọne usomhin nan rẹ yọle: “Ọne okpea nọn khian dọ re okhuo vae!” (ulọnlẹn 6)—Emhin ne rẹman ghe iJesu vae
-
Ene ikhuo isẹn ne imhọn ẹwan (ulọnlẹn 8)—Enanzẹle ne rẹ dagbare dọ bu ọne okpea nọn khian dọ re okhuo. Ele bha babegbe yẹ ga sẹbhi ọkpẹnlẹn
-
Ene ikhuo isẹn ne mhọn ẹwan bha ka sa abhii nin ibo ele (ulọnlẹn 9)—Ẹghe nin Osẹnobulua ha ki rẹ ji enanzẹle ne ga nọnsẹn lẹn ghe ele ga nọnsẹn sotọ, ọi yẹ yi ọne ẹghe nan ele ha rẹ dọ ha rẹkpa ene bha ga nọnsẹn ne rẹ ha ribhi usun nọnsele
-
“Ọne okpea nọn khian dọ re okhuo da vae” (ulọnlẹn 10)—Jesu da vae dọ bhohiẹn bhi egbẹghe ọkpẹnlẹn ọsi ẹghe ekpokpo nọn khua
-
Ene ikhuo isẹn ne bha sẹ hẹgẹn ne mhọn ẹwan da deba ọne okpea nanbhi ẹkẹ uwa nin a da lu ọne ibọdọ bi ireokhuo, a da khue ọne odẹ (ulọnlẹn 10)—Jesu da ne enanzẹle ne ga nọnsẹn ha khian okhun. Ene bha ga nọnsẹn bha miẹn ọne elele nan