Kristiẹn ẹlẹnan dẹ miẹn emhin luẹ bhi ebe sunu ji ibhokhan Izrẹl ẹghe nin ele rẹ ha ribhi ẹgbo oṣi Moab. (1Co 10:​6, 8, 11) Ibhokhan Izrẹl da ha deba imanmhẹn nesi Moab ne lu ilọnmhọn oghẹ yẹ ga ẹbọ muobọ. Bhiriọ, ene imanmhẹn da sua ele ọbhọ rẹ lu emhin ebe. Ọ da si okhẹnan nọn kakale ji ele. (Nu 25:9) Ẹlẹnan nian, ẹbho ne bunbun ribhọ ne nẹga mhan ne iga iJehova, ẹbho bọsi, ene imhan ko wẹnna, ene imhan ko yo isiku, ediake nesẹmhan, ene imhan ko ribhi azagba-uwa, bi ẹbho ebhebhe. Be imhan ha sabọ miẹn luẹ bhi ọne okha nan bhi Baibo rẹji okhẹnan nọn ribhọ sade mhan deba ẹbho ne dia inian muobọ?

GHE ỌNE IVIDIO NATIỌLE, IJIẸMHIN ẸDẸLẸ NAN RẸ SEKHA NIN MHAN ẸLẸNAN​—UKPỌKHERE. BHA HA KI GHE ỌLE FO, WANNIẸN ENE INỌNTA NAN:

• Iria-eria nọn bha gba nela Zimri bi ẹbho nekẹle dọ taman iJamin?

• Be iPhinehas rẹ rẹkpa iJamin rẹ dia iria-eria nọnsọle yẹ nọnsẹn?

• Ikikẹ nela ribhi ẹwẹ nan rẹ ha re ọkhọle esili rẹ ne ọria nọn iga iJehova lu emhin bi nan rẹ ha yi ọmọẹ ọle?

• Bezẹle nọn da khẹke nin mhan ha re ẹwanlẹn zẹ imọẹ aharẹmiẹn ẹkẹ agbotu ele ye?

• Bezẹle nọn da khẹke nin mhan rẹban usun kẹkẹ bhi intanẹt nin ẹbho nin mhan bha lẹn da ne egbe muobọ?