Mee 27–Jun 2
PSALMS 42-44
Illo 86 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Ha Re Obọ Rẹkhan Emhin Nin Jehova Man Mhan Le
(Ihuẹnlo 10)
Ha deba ibhio mhan nekẹle ga Jehova kugbe. Ahamiẹn uwẹ dẹ sabọ, ha diọ bhi Kindọn Họọ nin uwẹ dọ deba ele ha ga (Ps 42:4, 5; w06 6/1 9 ¶4)
Ha nan erọnmhọn ọkuẹsẹ uwẹ munhẹn ha luẹ Baibo (Ps 42:8; w12 1/15 15 ¶2)
Ji adia ne ribhi Baibo ha dia uwẹ bhi iẹnlẹn (Ps 43:3)
Emhin nin Jehova man mhan le rẹkpa mhan rẹ sabọ ha ziẹngbe ọkakale nin mhan kuẹlo da. Ọ yẹ rẹkpa mhan rẹ ha ga Jehova beji mhan ve nanlẹn—1Pi 5:10; w16.09 5 ¶11-12.
2. Emhin Oriọn Ne Ghanlẹn
(Ihuẹnlo 10)
-
Ps 44:19—Be a re ọne ukpọta ta nọn yọle, “eji ene elanmhẹn natiọle jackal da nyẹnlẹn”? (it-1 1242)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 44:1-26 (th iluẹmhin 11)
4. Munhẹn Ne Ọria Ha Zilo
(Ihuẹnlo 4) ITẸMHỌN OSẸNOBULUA RẸ NABHI UWA RẸ SẸBHI UWA. Taman ọne ọria ẹmhọn Baibo nin mhan man ẹbho le. (lmd uduọle 5 bhi iluẹmhin 5)
5. Afikie Yo
(Ihuẹnlo 5) ITẸMHỌN OSẸNOBULUA RẸ NABHI UWA RẸ SẸBHI UWA. Tie ọne ọria vae bhi ikolo oga nin ọle dọ kaehọ ọta ogbakha nan ha rẹman. Re ọne ividio natiọle Be Sunu bhi Kindọn Họọ? man ọne ọria. (lmd uduọle 5 bhi iluẹmhin 7)
6. Ọta
(Ihuẹnlo 3) lmd uduọle 4 bhi ebi a gbẹn ba ọle 1—Uhọnmhọn-ọta: Egbe Dẹ Daan Ẹbho Rebhe. (th iluẹmhin 2)
Illo 21
7. Re Ẹwanlẹn Zẹ Ebi Uwẹ Ha Lu Bhi Ẹmhọn Iwẹnna Bi Isiku
(Ihuẹnlo 15) Izilo.
Ene elasẹre, ibha be mhanmhan ebi bha ha lu sade ibha yo isiku fo? Asabọmiẹn uwẹ mhọn iwẹnna bhi ọkhọle nin uwẹ riale ghe ọ dẹ re ẹghe nin uwẹ rẹ lu iwẹnna ọkanẹfan. La asabọmiẹn uwẹ ria ẹmhọn iwẹnna ebhebhe nin uwẹ ha luẹ, nin uwẹ ha da ha mhọn laisẹns la miẹn ebe nin uwẹ ha rẹ sabọ miẹn iwẹnna. Ẹghe eghọnghọn ọnin da wo ha khin bhi iẹnlẹn nọnsẹ! Sokpan, ebi uwẹ zẹle sabọ re egbe lọ uwẹ, la egbe sabọ rẹ lọ uwẹ ranmhude uwedẹ nin ẹbho rẹ wo ha sua uwẹ ọbhọ rẹ lu emhin nin ele mhọn bhi ọkhọle. Ọkpakinọn, be ha rẹkpa uwẹ rẹ zẹ emhin nọn mhẹn rẹ lu?
Tie Matiu 6:32, 33. Bha ha ki tiọle fo, nọọn ene inọnta nan:
-
Bezẹle nọn da khẹke nin mhan ha mhọn emhanmhan ọsi ebi mhan ha khu ọi bhi oga, ọkuẹsẹ mhan zẹ ebi mhan ha lu bhi ẹmhọn iwẹnna bi isiku?
-
Be enebiọmọn ha rẹ rẹkpa imọn nesele yẹ, nin ele da sabọ re obọ rẹkhan ẹmhọn nọn ribhi Matiu 6:32, 33?—Ps 78:4-7
Mhọn ẹwanlẹn nin uwẹ hẹi dọ ranmhude ghe, uwẹ ho nin uwẹ fe la ha ribhi ihe nọn khua zẹ emhin nọn bha gba rẹ lu. (1Jn 2:15, 17) Yere ghe ọ dẹ sabọ nọghọ ọria rẹ miẹn ẹmhọn Agbejele ọbhi egbe sade ọle manman fe. (Lu 18:24-27) Bhi ọsi ẹmhọanta, ọria ha khu ọbhi ẹfe, ọ dẹ nọghọ ọle rẹ ha mhọn urẹọbhọ nọn ziẹnlẹn da Jehova, yẹ ha lu ebe ti Jehova bhọ.—Mt 6:24; Mk 8:36.
Re Ọne IVIDIO Man Natiọle, Mhọn Ẹwanlẹn Nin Uwẹ Hẹi Mun Udu Tẹẹ Emhin Ne Itọ!—Ẹfe. Bha ha ki ghe ọle fo, nọọn ọne inọnta nan:
-
Be ẹmhọn nọn ribhi Proverbs 23:4, 5 ha rẹ sabọ rẹkpa uwẹ yẹ sade uwẹ ho nin uwẹ zẹ emhin nin uwẹ ha lu?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 10 ¶5-12
