Mee 6-12
PSALMS 36-37
Illo 87 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. “Hẹi Ha Khọẹkẹ Ranmhude Ẹbho Ne I Mhẹn”
(Ihuẹnlo 10)
Eria ebe si ọbalọ bi iloya ji mhan (Ps 36:1-4; w17.04 10 ¶4)
Mhan si ọbalọ ji egbe mhan sade mhan khọẹkẹ eria ebe (Ps 37:1, 7, 8; w22.06 10 ¶10)
Mhan ha mun udu tẹ ive nesi Jehova, mhan ki ha mhọn ọfure (Ps 37:10, 11; w03 12/1 13 ¶20)
NỌỌN EGBE Ẹ, ‘Mẹn be gbe ẹghe nọn tan gbe rẹ kaehọ niuz ne tẹmhọn emhin ne i mhẹn?’
2. Emhin Oriọn Ne Ghanlẹn
(Ihuẹnlo 10)
-
Ps 36:6—Be ọria ọkpa nọn gbẹn ebe psalm re ọle ta, ẹghe nọn rẹ yọle ghe ikhiale nọnsi Jehova diabe “oke ne yoyo”? (it-2 445)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 37:1-26 (th iluẹmhin 10)
4. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA RẸ NABHI UWA RẸ SẸBHI UWA. (lmd uduọle 5 bhi iluẹmhin 1)
5. Afikie Yo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Rẹman ọria nọn bha ka luẹ Baibo bhi ẹghe nọn gbera ẹmhọn Baibo nin mhan man ẹbho le. (lmd uduọle 4 bhi iluẹmhin 9)
6. Ọta
(Ihuẹnlo 5) ijwbv 45—Uhọnmhọn-ọta: Be A Re Ẹmhọn Nọn Ribhi Psalm 37:4 Ta? (th iluẹmhin 13)
Illo 33
7. Uwẹ Be Muegbe Khẹ Ọnọghọ Ne Ha Sabọ Sunu?
(Ihuẹnlo 15) Izilo.
Ranmhude emhin idunmhuri ne tobele sunu, la ene eria si bhi ọne otọ agbọn nan rebhe, emhin nin ibhio mhan ne bunbun mhọnlẹn wo yulu ele, sẹyẹ eria nin ele hoẹmhọnlẹn yẹ yuno. (Ps 9:9, 10) Ọ ba bhi egbe a ghe, emhin idunmhuri sabọ sunu bhi ẹghe nọn hi ki rẹ khin. Bhiriọ, ọkhẹke nin mhan muegbe ọbhi otọ khẹ ene emhin idunmhuri ne ha sabọ sunu.
Rẹ gbera ghe uwẹ dẹ hẹnhẹn emhin eso ọbhi otọ a ne ha rẹkpa uwẹ sade emhin idunmhuri sunu, emhin ebhebhe nela ha yẹ sabọ rẹkpa uwẹ?
-
Mun ọkhọle nọnsẹ egbe ọbhi otọ: Ha mhọnlẹn bhi ọkhọle ghe emhin idunmhuri dẹ sabọ sunu, uwẹ ha yẹ ria eria nyan ebi uwẹ ha lu yẹ sade ọ sunu. Hẹi mun ẹmhọn emhin nin uwẹ mhọnlẹn kalo. Ahamiẹn uwẹ bha lu iriọ, ọ ki rẹkpa uwẹ rẹ noo ẹwanlẹn, yẹ denọ ọkhọle ọbhi ebi uwẹ ha rẹ hinmhin egbe uwẹ yẹ bi ẹbho nekẹle. (Ge 19:16; Ps 36:9) Ọ ki yẹ rẹkpa uwẹ rẹ sabọ ziẹngbe sade emhin nesẹ yulu a bhi ọne emhin idunmhuri nọn sunu.—Ps 37:19
-
Ziẹn ikolu nin uwẹ bi Jehova ko mhọnlẹn: Ha mhọn ọne urẹọbhọ ghe Jehova mhọn ọne ahu bi ọne ọkhọle nin ọle rẹ rẹkpa uwẹ. (Ps 37:18) Ọkuẹsẹ emhin idunmhuri sunu, ha ye egbe uwẹ re ẹghe rebhe ghe, Jehova dẹ gbega eguọmhandia nesọle yẹ rẹkpa ele, aharẹmiẹn emhin nin ele mhọnlẹn yulu a bhi ọne emhin idunmhuri.—Jer 45:5; Ps 37:23, 24
Ahamiẹn mhan mhọnlẹn bhi ọkhọle ghe Jehova dẹ mun ive nesọle sẹ, ọ ki rẹkpa mhan rẹ re ọle kiẹn ugue nọnsẹmhan bhi ẹghe ọnọghọ.—Ps 37:39.
Re Ọne IVIDIO Man Natiọle, Uwẹ Be Muegbe Khẹ Emhin Idunmhuri Ne Ha Sabọ Sunu? Bha ha ki ghe ọle fo, nọọn ene inọnta nan:
-
Be Jehova ha rẹ sabọ rẹkpa mhan yẹ sade emhin idunmhuri sunu?
-
Emhin eso nela mhan ha lu rẹ muegbe ọbhi otọ?
-
Be imhan ha rẹ sabọ rẹkpa ẹbho nin emhin idunmhuri sunu je yẹ?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 9 ¶8-16
Ọta Nan Ha Rẹ Kpẹn Ọlẹn (Ihuẹnlo 3) |
a Fẹ Awake! nọnzi 5 2017, apapale 4-6 ghe.
