Epre 28–Mee 4
PROVERBS 11
Illo 90 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Hẹi Tale!
(Ihuẹnlo 10)
Hẹi ta emhin nọn ha ba “idiake” nọnsẹ bhi egbe (Pr 11:9; w02 5/15 26 ¶4)
Hẹi ta emhin nọn ha si ovan (uwo) ne ẹbho(Pr 11:11; w02 5/15 27 ¶2-3)
Hẹi ta ọta ẹkhokho nan taman uwẹ dagbare(Pr 11:12, 13; w02 5/15 27 ¶5)
INỌNTA NIN MHAN HA RIA ERIA NYAN: Be ẹmhọn nin Jesu tale nan gbẹn ọbhi Luk 6:45 ha rẹ rẹkpa mhan yẹ rẹ rẹban nin mhan rẹ ha ta ọta ne si ikuan-egbe re?
2. Emhin Oriọn Ne Ghanlẹn
(Ihuẹnlo 10)
-
Pr 11:17—Elele nela mhan miẹn sade mhan re “ẹkẹ-ẹjẹjẹ” man? (g20.1 11, ẹkpẹti nọn ribhọ)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Pr 11:1-20 (th iluẹmhin 5)
4. Munhẹn Ne Ọria Ha Zilo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Guanọ isẹhoa nin uwẹ rẹ taman ọne ọria emhin nin uwẹ luẹ bhi ikolo oga nin uwẹ yo bhi ẹghe nọn bha sẹ bue gbe. (lmd uduọle 4 bhi iluẹmhin 2)
5. Afikie Yo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Re ọkpa bhi vidio ne ribhi Emhin Kpataki Nin Mhan Rẹ Lu Iwẹnna Itẹmhọn Osẹnobulua man ọne ọria. (lmd uduọle 3 bhi iluẹmhin 8)
6. Re Ẹbho Kiẹn Edibo
(Ihuẹnlo 4) ITẸMHỌN OSẸNOBULUA NAN LU BHI ỌGBAKHA. Taman ọne ọria ẹmhọn Baibo nin mhan man ẹbho le, uwẹ ha yẹ rẹman ọlẹn ebi mhan rẹ man ẹbho Baibo yẹ. (lmd uduọle 3 bhi iluẹmhin 10)
Illo 157
7. Hẹi Ji Ọta Nọn Na Unun Nọnsẹ Dagbare Ha Yi Ebe Wẹghẹ Ọfure A
(Ihuẹnlo 15) Izilo.
Ranmhude ọ bha gba nin mhan fo, mhan ta khọlọ ẹgheso. (Jem 3:8) Ọrẹyiriọ, mhan ha ria ẹmhọn ọbalọ kẹkẹ ne ha nabhọre sade mhan ta ọta ne bha gba, ọ ki rẹkpa mhan rẹ rẹban ọta nin mhan ha ta fo dọ ha ta isẹ-rẹ-lẹn. Ghe unan ọta eso ne ha sabọ wẹghẹ ọfure nọn ribhi ẹkẹ agbotu a:
-
Idẹgbọ nọn bha khẹkẹ. Ọle hi nin ọria rẹ ha gẹn egbe ọle. Ọ dẹ sabọ re ẹbho ha ne egbe suan, yẹ mhọn ẹloghe da egbe.—Pr 27:2
-
Ọta eku. Ọ i yi nin ọria rẹ re ẹmhọanta ha gua ọta ohoghe ọkpa ọnan mundia nan. Ọ yẹ mundia nin, nin ọria rẹ muegbe ta ọta nin ọle rẹ hiẹ ẹbho nekẹle. Obhi eku khere nin ọria lu dẹ sabọ re ọle miẹn ghe ẹbho bha yẹ ha gbaẹkẹ ọle. Ṣeyẹ, ọ ki ria ẹlin nọn mhẹn nin ọle rẹ ha mhọnlẹn an.—Ec 10:1
-
Ikuẹkuẹ ọta nin ẹbho ta ne rẹ ria ọria elin an. Ọle hi ọta ne bha khiọnlẹn nin ẹbho ta rẹji iẹnlẹn ọsi ẹbho ebhebhe, ọta nọn i yi ẹmhọanta, la nin ele rẹ ta ọta nan taman ele bhi ẹkhokho dagbare. (1Ti 5:13) Ọ dẹ sabọ si ovan bi iwaegbe a re.
-
Ọta ohu. Ọle hi nin ọria rẹ re ohu ha ne ọria ọbhebhe nọn re ẹkẹ khọ ọle talọ ranmhude ọle bha sabọ mun egbe ọle mhọnlẹn, ọta nin ọle rẹ rẹman ebi emhin dia ọle yẹ bhi egbe. (Ẹfẹ 4:26) Ọ dẹ sabọ si ikuan-egbe ji ọria.—Pr 29:22
Re Ọne IVIDIO Man Natiọle, Rẹban Emhin Ne Wẹghẹ Ọfure A-Ukpọkhere. Bha ha ki ghe ọle fo, nọọn ọne inọnta nan:
-
Be uwẹ luẹle rẹji uwedẹ nin ọta ne bha gba rẹ re ejẹje wẹghẹ ọfure nọn ribhi agbotu a?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 25 ¶14-21
