Mach 17-23
PROVERBS 5
Illo 122 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Re Egbe Nẹ Bhi Igboghẹ
(Ihuẹnlo 10)
Ọria dẹ sabọ miẹn edọnmhẹn nin ọle rẹ gboghẹ (Pr 5:3; w00 7/15 29 ¶1)
Ọbalọ bi isẹ-rẹ-lẹn nabhọre sade ọria gboghẹ (Pr 5:4, 5; w00 7/15 29 ¶2)
Re egbe nẹ bhi igboghẹ (Pr 5:8; w00 7/15 29 ¶5)
Obhio mhan nin okhuo he nin ọle rẹ re nọba nọnsọle nin usẹn obhokhan ọkpa
2. Emhin Oriọn Ne Ghanlẹn
(Ihuẹnlo 10)
-
Pr 5:9—Be ọria rẹ mun “ekpẹn nọn khẹke [ọle] nin ẹbho ebhebhe” yẹ sade ọle gboghẹ?(w00 7/15 29 ¶7)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Pr 5:1-23 (th iluẹmhin 5)
4. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA NAN LU BHI ỌGBAKHA. Tie ọria vae bhi Ayere Ọsi Uyumhin Nọnsi Jesu, ọria nan i yo otuẹ bhi azagba-uwa nọn na vae, uwẹ ha yẹ re jw.org guanọ eje sikẹ ọle nan ha da lu ọne ayere. (lmd uduọle 4 bhi iluẹmhin 6)
5. Afikie Yo
(Ihuẹnlo 4) ITẸMHỌN OSẸNOBULUA RẸ NA BHI UWA RẸ SẸBHI UWA. Bhi ẹdẹ nin uwẹ ka rẹnẹ ji ọne ọria, ọle da miẹn uwẹ ebe nan rẹ tie ẹbho vae bhi Ayere Ọsi Uyumhin Nọnsi Jesu, yẹ rẹman ghe ọ ti ọle bhọ. (lmd uduọle 5 bhi iluẹmhin 9)
6. Re Ẹbho Kiẹn Edibo
(Ihuẹnlo 5) lff lu ọnan, uwẹ be yẹ yere?, bi ebi mhan luẹle bhi iluẹmhin 16. Man ọria nin uwẹ man ọlẹn Baibo ebi ọle ha rẹ guanọ ọne ewanniẹn yẹ sade ọne ọria nọọn uwẹ si Jesu re okhuo. (lmd uduọle 4 bhi iluẹmhin 11)
Illo 121
7. Ebi Uwẹ Ha Lu Rẹ Sabọ Re Egbe Nẹ Bhi Ilọnmhọn Oghẹ Sade Uwẹ Zẹ Ọshiọ
(Ihuẹnlo 15) Izilo.
Ebi nan rẹ zẹ ọshiọ ha sabọ mundia nan hi, nin okpea bi okhuo rẹ ko ha gbe ẹghe kugbe, yẹ lu emhin nin ele rẹ rẹman egbe ghe ele hoẹmhọn egbe. Ele dẹ sabọ re ọle man bhi eji usun ẹbho ye, bi bhi eji ele ọkpa ye. Ele sabọ ji ẹbho lẹn, la ha lu bhi ẹkhokho. Ọ i yi sade ele ko miẹn egbe ọkpa ele da re ọle man, ele yẹ re ọle man sade ele talọ bhi foni, bi sade ele gbẹn ebe ji egbe bhi foni. Mhan i ghe nan rẹ zẹ ọshiọ bii emhin nan gheghe lu rẹ re egbe re ahoho. Sokpan, ẹghe nin okpea bi okhuo rẹ ko manman lẹn egbe nọnsẹn ọkuẹsẹ ele bọ egbe nọn. Ahamiẹn mhan zẹ ọshiọ, be hi emhin eso ne ha sabọ rẹkpa ọdeọde bhi ẹwẹ mhan rẹ sabọ rẹban igboghẹ aharẹmiẹn usẹn mhan khin la mhan wanre?—Pr 22:3.
Re Ọne IVIDIO Man Natiọle, Muegbe Khẹ Ibọdọ Bi Ireokhuo—Obo 1: Mẹn Be Muegbe Nin Mẹn Rẹ Zẹ Ọshiọ?—Ukpọkhere. Bha ha ki ghe ọle fo, nọọn ene inọnta nan:
-
Bezẹle nọn bha da khẹke nin ọria zẹ ọshiọ sade ọle lẹn ghe ọle bha sẹ muegbe nin ọle rẹ bọ ọdọ la re okhuo? (Pr 13:12; Lu 14:28-30)
-
Be manman ti uwẹ bhi uwedẹ nin ọne aba bi inẹn rẹ rẹkpa ọmọn okhuo nọnsele?
Tie Proverbs 28:26. Bha ha ki tie ọle fo, nọọn ene inọnta nan:
-
Be okpea bi okhuo ne zẹ egbe ọshiọ ha lu nọn ha rẹkpa ele rẹ sabọ rẹban idia nọn ha re ele gboghẹ?
-
Bezẹle nọn da yi emhin nọn mhẹn nin okpea bi okhuo ne zẹ egbe ọshiọ rẹ zilo nyan ebi ele ha lu, bi ebi ele i da lu sade ele rẹman egbe ghe ele hoẹmhọn egbe, emhin bii nan rẹ mun egbe obọ mhọnlẹn bi nan rẹ mun egbe unun fiofio?
Tie Ẹfẹsọs 5:3, 4. Bha ha ki tie ọle fo, nọọn ọne inọnta nan:
-
Emhin nela ọkhẹke nin okpea bi okhuo ne zẹ egbe ọshiọ ha da mhọn ewanlẹn sade ele ne egbe talọ bhi foni la gbẹn ebe ji egbe?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 24 ¶1-6
