Dizẹmba 30, 2024–Jẹnuare 5, 2025
PSALMS 120-126
Illo 144 Bi Erọnmhọn | Ọta Nan Ha Rẹ Munhẹn (Ihuẹnlo 1)
Ibhokhan Izrẹl ne na bhi Babilọn fikiere ghọnghọn beji ele ha khuan ikpẹ nin ele kọle. Ele ghọnghọn ranmhude Jehova nan erọnmhọn ọbhi iwẹnna nọnsele
1. Ele Da Ha Viẹ Beji Ele Ha Kọ Ikpẹ, Sokpan Ele Da Ha Ghọnghọn Beji Ele Ha Khuan Emhin Nin Ele Kọle
(Ihuẹnlo 10)
Ibhokhan Izrẹl da ha ghọnghọn ẹghe nan rẹ fan ele fia bhi Babilọn nin ele dọ kie mun oga ẹmhọanta gbọ (Ps 126:1-3)
Asabọmiẹn ene fikie diọbhi Judia wo ha viẹ ranmhude iwẹnna nọn kakale nin ele ha lu (Ps 126:5; w04 6/1 16 ¶10)
Ene ẹbho da wo rẹtẹ, bhiriọ Osẹnobulua da nan erọnmhọn nin ele (Ps 126:6; w21.11 24 ¶17; w01 7/15 18-19 ¶13-14; fẹ adudu nọn ribhi ghe)
INỌNTA NIN MHAN HA RIA ERIA NYAN: Ẹghe nan ha rẹ miẹn mhan fan bhi ọne agbọn nan fo bhi ẹghe ọkhọn Amagẹdọn, ọnọghọ nela mhan ha sabọ miẹn beji mhan ha rẹ kie ha hẹnhẹn emhin kẹkẹ ne riia? Elele nela mhan ha miẹn bhọ?
2. Emhin Oriọn Ne Ghanlẹn
(Ihuẹnlo 10)
-
Ps 124:2-5—Ọ be khẹke nin mhan ha mhọnlẹn bhi ọkhọle ghe, Jehova dẹ gbega mhan nin emhin soso hẹi sunu ji mhan beji ọle rẹ gbega ibhokhan Izrẹl? (cl 73 ¶15)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 124:1–126:6 (th iluẹmhin 5)
4. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA NAN LU BHI ỌGBAKHA. (lmd uduọle 5 bhi iluẹmhin 3)
5. Afikie Yo
(Ihuẹnlo 4) ITẸMHỌN OSẸNOBULUA RẸ NA BHI UWA RẸ SẸBHI UWA. Ẹghe nin bha ka rẹ zilo, ọne ọria da ha mhọn edandan si mhan dẹ gene sabọ rẹọbhi ebi Baibo tale. (lmd uduọle 5 bhi iluẹmhin 9)
6. Re Ẹbho Kiẹn Edibo
(Ihuẹnlo 5) lff ọta nan rẹ mun iluẹmhin 16 hẹn, bi uduọle 1-3 (lmd uduọle 3 bhi luẹmhin 11)
Illo 155
7. Ha Mhọn Ọtibhọ Da Ive Nin Osẹnobulua Vele
(Ihuẹnlo 15) Izilo.
Jehova mun ive nin ọle ve nin ẹbho nesọle sẹ nan mun ha khian imun bhi Babilọn. Ọle da hinmhin ele, yẹ re olukhọ nọnsele rẹhunmhan ele. (Isa 33:24) Ọle da gbega ele bi emhin uri nesele beji a ha da miẹn ghe, oduman bi elanmhẹn ne kakale bha gbono ele le, ranmhude ẹghe nin ele bha yẹ rẹ ha nyẹnlẹn bhi enin, oduman bi ene elanmhẹn ne kakale ki da wo vuọn enin. (Isa 65:25) Ele da ha sọnyẹnmhẹn bhi uwa nọnsele, yẹ ha le ikpe nin ele kọle. (Isa 65:21) Osẹnobulua da nan erọnmhọn ọbhi iwẹnna nọnsele. Sẹyẹ, ele da nyẹnlẹn bhi ikpe ne bunbun.—Isa 65:22, 23.
Amẹn nọn vẹ khua bhi ẹkẹ udo: Maridav/stock.adobe.com; oke kẹkẹ: AndreyArmyagov/stock.adobe.com
Re Ọne IVIDIO Man Natiọle, Ha Mhọn Ọtibhọ Da Ive Ọsi Ọfure Nin Osẹnobulua Vele —Ukpọkhere. Bha ha ki ghe ọle fo, nọọn ene inọnta nan:
-
Uwedẹ nela ene ọta akhasẹ nan rẹ ha munsẹ ẹlẹnan?
-
Be ọ ha rẹ munsẹ yẹ ẹghe nin agbọn ọsọgbọn ha rẹ vae?
-
Ọnela bhi ẹwẹ ele uwẹ manman wo khuẹloghe?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 20 ¶8-12, bi ẹkpẹti nọn ribhi apapale 161
