Novẹmba 18-24
PSALMS 107-108
Illo 7 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. “Khuẹnmhẹn Jehova, Ranmhude Ọle Mhẹnmhin”
(Ihuẹnlo 10)
Jehova sẹ wo miẹn mhan fan bhi ufi ọsi Esu, beji ọle rẹ miẹn ibhokhan Izrẹl fan bhi obọ ọsi ibhokhan Babilọn (Ps 107:1, 2; Kol 1:13, 14)
Ranmhude emhin nin Jehova lu nin mhan ti mhan bhọ zẹle nin mhan da gẹn ọlẹn bhi ẹkẹ agbotu (Ps 107:31, 32; w07 4/15 20 ¶2)
Ọ dẹ manman ha ghọn mhan rẹ ha khuẹnmhẹn Jehova sade mhan ria ẹmhọn emhin nin ọle lu nin mhan (Ps 107:43; w15 1/15 9 ¶4)
2. Emhin Oriọn Ne Ghanlẹn
(Ihuẹnlo 10)
-
Ps 108:9—Bezẹle nan da re Moab rẹ khọkhọ “ukpamaku nin [Osẹnobulua] rẹ kpe-obọ a? (it-2 420 ¶4)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 107:1-28 (th iluẹmhin 5)
4. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. (lmd uduọle 4 bhi iluẹmhin 1)
5. Afikie Yo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Taman ọne ọria ebi mhan rẹ man ẹbho Baibo yẹ, uwẹ ha yẹ re kadi nin mhan rẹ tẹmhọn iman-emhin Baibo nanlẹn. (lmd uduọle 3 bhi iluẹmhin 9)
6. Ọta
(Ihuẹnlo 5) ijwyp 90—Uhọnmhọn-ọta: Be Ha Rẹkpa Mẹn Rẹ Sabọ Rẹban Iria-eria Ne I Mhẹn? (th iluẹmhin 14)
Illo 46
7. Mhan Khuẹnmhin Jehova Sade Mhan So Illo
(Ihuẹnlo 15) Izilo.
Ẹghe nin Jehova rẹ miẹn ibhokhan Izrẹl nin ofẹn ha mun fan fo, bhi obọ ọsi ibhokhan Ijipt ne manman mhọn ahu bhi Okpẹdẹ Nọn Gian, ọ da manman wo ti ele bhọ, bhiriọ, ele da so illo rẹ gẹn Jehova bhi emhin nin ọle lu nin ele. (Ex 15:1-19) Ene ikpea da mun ọkalo rẹ ha so ọne illo ọgbọn nan. (Ex 15:21) Jesu bi Kristiẹn ne nyẹnlẹn bhi ore ne gbera yẹ wo so illo rẹ gẹn Osẹnobulua. (Mt 26:30; Kol 3:16) Mhan rẹman ghe ebi Jehova lu nin mhan ti mhan bhọ sade mhan so illo rẹ gẹn ọlẹn bhi ikolo oga, usikoko ne khere bi usikoko ne nẹ nesẹmhan. Bhi ọsi ijiẹmhin, illo nin mhan wo so fo nian nọn mhọn uhọnmhọn-ọta nọn yọle, “Obulu Jehova,” rẹ na bhi ukpe 1966 ha vade, ọle a mọn da ha so ọle vade.
Bhi ijeso, ẹkhọ sabọ ha lu ikpea rẹ so illo bhi ọgbakha. Ikpea bi ikhuo eso sabọ zẹ ghe ele i da so illo ranmhude ele riale ghe urulu nọnsele i mhẹn bhi illo nan so. Ọkpakinọn, ọkhẹke nin mhan yere ghe, illo nin mhan so bhi ikolo oga deba oga nin mhan ga Osẹnobulua. Agbotu nọnsi Jehova wo wẹnna kaka nin ele rẹ gbẹn illo ne manman mhẹn bhi ehọ. Ele yẹ wo hannọn illo ne khẹke nin mhan ha sabọ ha so bhi ikolo oga nesẹmhan kẹkẹ. Ebe khẹke nin mhan lu hi, nin mhan rẹ deba ku urulu kugbe so illo nin mhan rẹ khuẹnmhẹn Aba mhan nọn ribhi okhun, yẹ rẹman ọlẹn ebi mhan hoẹmhọn ọlẹn sẹ yẹ.
Re Ọne IVIDIO Man Natiọle, Okha Nọnsẹmhan Rẹ Na Bhi Ẹghe Umunhẹn—Illo Nan So, Obọ 2. Bha ha ki ghe ọle fo, nọọn ene inọnta nan:
-
Be sunu bhi ukpe 1944?
-
Be ibhio mhan ne ribhi Siberia rẹ re ọtibhọ nin ele mhọn da illo ọsi Ejele nan so man yẹ?
-
Bezẹle nin illo nan so da yi emhin kpataki rẹji Esali Jehova?
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 18 ¶6-15
