Ọtoba 7-13
PSALMS 92-95
Illo 84 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Nan Rẹ Ha Ga Jehova Hi Uwedẹ Iẹnlẹn Nọn Mhẹn Nẹ!
(Ihuẹnlo 10)
Jehova ọkhẹke nin mhan ha ga (Ps 92:1, 4; w18.04 26 ¶5)
Jehova rẹkpa ẹbho nesọle rẹ zẹ emhin nọn mhẹn nẹ, yẹ ha ghọnghọn (Ps 92:5; w18.11 20 ¶8)
Ẹmhọn ẹbho ne sẹyẹ ga Jehova arẹmiẹn ele dọnmanlẹn wo ti Jehova bhọ (Ps 92:12-15; w20.01 19 ¶18)
NỌỌN EGBE Ẹ, ‘Be bhọ emhin nọn re mẹn si egbe re ikeke nin mẹn rẹ re egbe guẹ nin Jehova yẹ mianmẹn?’
2. Emhin Oriọn Ne Ghanlẹn
(Ihuẹnlo 10)
-
Ps 92:5—Be ọne ulọnlẹn nan ji mhan lẹn rẹji ẹwanlẹn nọnsi Jehova? (cl 176 ¶18)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 94:1-23 (th iluẹmhin 5)
4. Munhẹn Ne Ọria Ha Zilo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Bha ha munhẹn ha zilo, guanọ isẹhoa nin uwẹ rẹ rẹman ọne ọria ebi uwẹ rẹ man ẹbho Baibo yẹ. (lmd uduọle 3 bhi iluẹmhin 5)
5. Afikie Yo
(Ihuẹnlo 3) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Rẹman ọria nọn bha ka luẹ Baibo bhi ẹghe nọn gbera ẹmhọn Baibo nin mhan man ẹbho le. (lmd uduọle 4 bhi iluẹmhin 8)
6. Re Ẹbho Kiẹn Edibo
(Ihuẹnlo 5) Deba ọria nin uwẹ man ọlẹn Baibo nọn bha ka lu re alo zilo. (lmd uduọle 5 bhi iluẹmhin 12)
Illo 5
7. Ebi Ene Usẹn Ha Lu Yẹ Sade Ahu Fo Ele Bhọ Ranmhude Ikpokpo-egbe
(Ihuẹnlo 15) Izilo.
Ẹbho ne ga Jehova kpokpo egbe ẹgheso. Bhi ọsi ijiẹmhin, Devid wo ha kpokpo egbe igba ne bunbun. Iriọ yẹ nọn rẹji ibhio mhan ne bunbun ẹlẹnan, ele yẹ wo kpokpo egbe. (Ps 13:2; 139:23) Ene usẹn bhọ yẹ wo kpokpo egbe. Ẹgheso, ikpokpo-egbe sabọ re egbe lọ ọria rẹ sẹbhọ ghe, egbe ki lọ ọle rẹ ha yo isiku, la rẹ ha yo ikolo oga. Ọ bhọ dẹ sabọ re ọria ha ho nin ọle gbe egbe ọle a.
Ene usẹn, ahamiẹn ghe ibha kpokpo egbe, bha ne ene biẹ bha talọ la ne ọria nọn wanre talọ. Bha bhii Jehova nin ọle rẹkpa bha. (Fil 4:6) Ọle dẹ rẹkpa bha. (Ps 94:17-19; Isa 41:10) Ji mhan fẹ ijiẹmhin ọsi obhio mhan nin Steing ghe.
Re Ọne IVIDIO Man Natiọle, Jehova Wo Gbẹloghe Mẹn. Bha ha ki ghe ọle fo, nọọn ene inọnta nan:
• Ulọnlẹn nela bhi Baibo rẹkpa obhio mhan nin Steing? Be ọ rẹ rẹkpa ọle yẹ?
• Be Jehova rẹ gbẹloghe ọle yẹ?
Enebiọmọn, bha dẹ sabọ rẹkpa imọn nesẹbha rẹ sabọ khọn ikpokpo-egbe bhi uwedẹ nin bha rẹ ka ele ehọ sade ele talọ, sade bha rẹman ele ghe bha hoẹmhọn ele, bi sade bha rẹkpa ele rẹ lẹn ghe Jehova hoẹmhọn ele. (Tai 2:4; Jem 1:19) Mun udu nyan Jehova nọn ọle re ikoudure bi ahu nin uwẹ rẹ sabọ rẹkpa imọn nesẹ.
Ẹgheso, asabọmiẹn ghe mhan i da lẹn sade ọria bhi agbọtu mhọn emhin ne re ọle kpokpo egbe, la asabọmiẹn mhan i da lẹn ebi emhin dia ọle yẹ bhi egbe. Ọrẹyiriọ, mhan dẹ sabọ rẹman ọrebhe bhi agbotu ghe mhan hoẹmhọn ele, yẹ miẹn ele ọbhi egbe.—Pr 12:25; Hib 10:24.
8. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 16 ¶6-9, bi ẹkpẹti nọn ribhi apapale 132
