Sẹtẹmba 16-22
PSALMS 85-87
Illo 41 Bi Erọnmhọn | Ọta Nan Ha Rẹ Munhẹn (Ihuẹnlo 1)
1. Erọnmhọn Rẹkpa Mhan Rẹ Ha Mhọn Iziẹngbe
(Ihuẹnlo 10)
Bhii Jehova nọn rẹkpa uwẹ nin uwẹ da sabọ ha ghọnghọn (Ps 86:4)
Bhii Jehova nọn rẹkpa uwẹ nin uwẹ da sabọ re ọkhọle rebhe ha ga ọle (Ps 86:11, 12; w12 5/15 25 ¶10)
Rẹọbhọ ghe Jehova dẹ họn erọnmhọn nọnsẹ (Ps 86:6, 7; w23.05 13 ¶17-18)
NỌỌN EGBE Ẹ, ‘Mẹn be nan erọnmhọn ji Jehova ẹghe rebhe sade mẹn ribhi ọnọghọ? Sẹyẹ erọnmhọn nesẹmhẹn be tan?’—Ps 86:3.
2. Emhin Oriọn Ne Ghanlẹn
(Ihuẹnlo 10)
-
Ps 86:11—Be erọnmhọn nin Devid nan rẹman rẹji ọkhọle ọsi ọria? (it-1 1058 ¶5)
-
Emhin nela uwẹ miẹn luẹ bhi eji a tie bhi Baibo ọne uzana nan nin uwẹ ho nin uwẹ taman mhan?
3. Baibo Nan Ha Tie
(Ihuẹnlo 4) Ps 86:1–87:7 (th iluẹmhin 12)
4. Munhẹn Ne Ọria Ha Zilo
(Ihuẹnlo 3) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Taman ọne ọria ẹmhọn Baibo nin mhan man ẹbho le. (lmd uduọle 5 bhi iluẹmhin 3)
5. Afikie Yo
(Ihuẹnlo 4) ITẸMHỌN OSẸNOBULUA NAN LU BHI ILỌNMHỌN UKPẸDẸ-UKPẸDẸ. Taman ọria ẹmhọn Baibo nin mhan man ẹbho le. Bhi ẹghe nin bha ka rẹ zilo, ọne ọria da taman uwẹ ghe, ọle kpokpo egbe ranmhude emhin nọn la sunu. (lmd uduọle 4 bhi iluẹmhin 7)
6. Re Ẹbho Kiẹn Edibo
(Ihuẹnlo 5) lff uduọle 5 bhi iluẹmhin 15. Taman ọria nin uwẹ manlẹn Baibo ghe ọria ọbhebhe dẹ vae dọ man ọlẹn Baibo bhi uzana nọn vade sade uwẹ i ribhi uwa. (lmd uduọle 4 bhi iluẹmhin 10)
Illo 83
7. Hẹi Ji Egbe Lọ Uwẹ
(Ihuẹnlo 5) Izilo.
Re Ọne IVIDIO Man. Bha ha ki ghe ọle fo, nọọn ene inọnta nan:
-
Bezẹle nin egbe ha da sabọ lọ mhan ẹgheso sade mhan tẹmhọn Osẹnobulua?
-
Bezẹle nọn bha da khẹke nin mhan ji egbe lọ mhan?
8. Ha Taman Ẹbho Ẹmhọn Baibo Nin Mhan Man Ẹbho Le!
(Ihuẹnlo 10) Izilo.
Bhi iwẹnna itẹmhọn Osẹnobulua kpataki nan lu bhi ọne uki nan, uwẹ be sẹ munhẹn ha noo brọkiọ natiọle Sọnyẹnmhẹn bhi Ighegheghe! rẹ man ẹbho Baibo? Ahamiẹn uwẹ munhẹn, ọ dẹ wo re uwẹ ha ghọnghọn! Sẹyẹ, uwedẹ nin uwẹ rẹ ha noo ọle dẹ yẹ re ẹbho nekẹle ha ghọnghọn. Bhi obọ nọnkẹle, ahamiẹn uwẹ bha sẹ munhẹn ha noo ọle rẹ man ẹbho Baibo, uwẹ sabọ rẹ ha riale ghe uwẹ i dọnmhegbe sẹ. Be uwẹ ha lu yẹ sade egbe lọ uwẹ ranmhude uwẹ bha sẹ munhẹn ha noo ọle rẹ man ẹbho Baibo?
Re Ọne IVIDIO Man Natiọle, Mhan Rẹman Ghe Eguọmhandia Nesi Osẹnobulua Mhan Khin Bhi Uwedẹ Nin Mhan Rẹ Re Iziẹngbe Man—Sade Mhan Tẹmhọn Osẹnobulua. Bha ha ki ghe ọle fo, nọọn ene inọnta nan:
-
Be ẹmhọn nọn ribhi 2 Kọrint 6:4, 6 ha rẹ sabọ rẹkpa mhan yẹ sade iwẹnna itẹmhọn Osẹnobulua nin mhan lu bha lu re alo?
-
Emhin nela uwẹ ha lu sade uwẹ bha sẹ sabọ munhẹn ha man ẹbho Baibo?
Yere ghe ọ i yi eka ẹbho nin mhan man ele Baibo ha re mhan ha ghọnghọn. Sokpan, ebe re mhan ghọnghọn hi, nin mhan rẹ lẹn ghe emhin nin mhan lu ti Jehova bhọ. (Lu 10:17-20) Bhiriọ, re ọkhọle rebhe rẹ deba bhi ọne iwẹnna itẹmhọn Osẹnobulua kpataki nan. Yẹ lẹn sẹbhọ ghe, “ẹsọn nin [uwẹ] miẹn nin Ebeanlẹn mhan, [uwẹ] bha miẹn ọlẹn kua”!—1Kọ 15:58.
9. Iluẹmhin Baibo Ọsi Agbotu
(Ihuẹnlo 30) bt uhọnmhọnlẹn 15 ¶13-14, bi ẹkpẹti nọn ribhi apapale 121
