AWAKE! No. 2 2018 | Emhin 12 Ne Ha Re Eghọnghọn Re bhi Azagba-Uwa
Emhin 12 ne ha re Eghọnghọn re Bhi Azagba-uwa
Ẹghe rebhe mhan rẹ họn ẹmhọn azagba-uwa nin eghọnghọn iye ranmhude emhin nin ele bha lu nọnsẹn. Ọkpakinọn, bha ji mhan tẹmhọn emhin nin azagba-uwa ha lu nin eghọnghọn da sabọ ha ribhi azagba-uwa nọnsele.
Rẹ nabhi ukpe 1990 rẹ dọ sẹbhi 2015, okhuo bi ọdọ ne wanre gbera ikpe 50 ne sọebea bhi United States da re igba eva bun gbera eka nọn ka ha khin. Okhuo bi ọdọ ne wanre gbera ikpe 65 ne sọebea bhi United States da re igba ea bun gbera eka nọn ka ha khin.
Egbe lọ enebiọmọn: Eria eso tale ghe, nin enebiọmọn hẹi re obọ so imọn nesele hiehie. Nin ele wo ha gẹn ele eghe rebhe. Eso da yẹ yọle ghe nin ele wo ha re obọ nọn kaka mun imọn nesele.
Elasẹre ne bunbun ẹlẹnan bha guẹ emhin soso nọn ha sabọ rẹkpa ele sade ele ki sibhi uwa re.
Ọkpakinọn, ẹmhọanta nọn ribhọ, ọle hi ghe . . .
Elele ribhi ibọdọ bi ireokhuo. Ọ dẹ yẹ sabọ tọ.
Enebiọmọn dẹ sabọ re oyẹẹ dia imọn nesele.
Elasẹre dẹ sabọ ha mhọn ikpẹ esili nọn ha rẹkpa ele sade ele sibhi uwa re.
Be ọnan ha rẹ sabọ sunu yẹ? Ọne Awake! nan dẹ zilo nyan emhin 12 ne ha re eghọnghọn re bhi azagba-uwa.
1: Asun-rẹkhan
Emhin ea ne ha sabọ rẹkpa okhuo bi ọdọ rẹ sun rẹkhan egbe.
2: Okugbe
Okhuo ẹ la ọdọ ẹ be diabe ọria nin bha veva gheghe ko nyẹnlẹn bhi ugha okpa?
3: Ekpẹn
Luẹ unan ọta nin uwẹ ha ta, la emhin nin uwẹ ha lu nọn ha rẹman okhuo ẹ la ọdọ ẹ ghe uwẹ gene mun ekpẹn nanlẹn.
4: Urẹhunmhan
Be ha sabọ rẹkpa uwẹ nin uwẹ rẹ re ẹlo gbera eji ọzeva uwẹ ida lu nọnsẹn?
5: Izilo
Emhin ea ne ha sabọ re uwẹ sike ọmọn nọnsi uwẹ.
6: Adia
Adia be gene re ọmọn ha ghe egbe ọle bii ọria nọn bha sẹ emhin soso?
7: Ikpẹ Esili
Emhin nela uwẹ ha man imọn nesẹ le?
8: Ijiẹmhin
Ahamiẹn uwẹ guanọ nin imọn nesẹ ha lu rẹkhan ebi uwẹ ta, ọkhẹke nin uwẹ tobuwẹ yẹ ha lu rẹkhan ọlẹn.
9: Unan Ọria Nin Uwẹ Khin
Be ha rẹkpa elasẹre re sabọ ha lu emhin rẹkhan ebi ele rẹọ i?
10: Ha Yi Ọria Nan Gbaẹkẹ Ọle
Uwẹ ha sabọ ha lu emhin nọn ha re ene biẹ uwẹ gbaẹkẹ uwẹ, uwẹ dẹ miẹn elele bhọ sade uwẹ ki wanre.
11: Ha Yi Ọria Nọn Wẹnna Kaka
Uwẹ ha gue ebi a rẹ wẹnna kaka yẹ nian, emhin ida nọghọ uwẹ bhi iẹnlẹn.
12: Ha Mhọn Emhin Nin Uwẹ Khu Ọi
Uwẹ ha sabọ mun emhanmhan ọkpa sẹ, ọ ki ha hu uwẹ bhi udu rẹ khu ọbhi emhanmhan ọbhebhe. Ọ ki yẹ ziẹn ikolu nin uwẹ bi imọẹ nesẹ ko mhọn, yẹ manman re uwẹ ha ghọnghọn.
Emhin Ebhebhe Ne Ha Sabọ Rẹkpa Azagba-Uwa
Adia ne ribhi Baibo dẹ sabọ rẹkpa uwẹ rẹ ha mhọn azagba-uwa nin eghọnghọn ye.
