ỌNE ỌKHẸUGHE (ỌNAN RẸ LUẸ EMHIN BHI IKOLO OGA) June 2020
Ọne Ọkhẹughe Nan Ha Luẹ bhi August 3 Rẹ Sẹbhi 30, 2020.
“Ji Elin Nọnsẹ Kpe Khia”
Uhọnmhọn-ọta nọnzi 23: August 3-9, 2020 ọle a ha da luẹ ọne uhọnmhọn-ọta nan. Ẹmhọn kpataki nela ribhi otọ nọn rẹtẹ imhan ne eria rebhe bi ẹhi ne ribhi okhun? Bezẹle nin ọne ẹmhọn da yi emhin kpataki? Be ọ rẹ rẹtẹ mhan yẹ? Ewanniẹn rẹji ene inọnta nan bi inọnta ne rẹtẹ ọne ẹmhọn nan, dẹ sabọ rẹkpa mhan ziẹn ikolu nin mhan bi Jehova ko mhọnlẹn.
“Rẹkpa Mẹn Ha Mhọn Ọkhọle Ọkpa Nin Mẹn Da Sabọ Ha Mun Ofẹn Elin Nọnsẹ”
Uhọnmhọn-ọta nọnzi 24: August 10 rẹ sẹbhi 16, 2020. Bhi ọne uhọnmhọn-ọta nan, mhan dẹ zilo nyan erọnmhọn nin David nin Ojie nan ji Jehova nan gbẹn ọbhi Psalm 86:11, 12. Be a re ọle ta nan rẹ ha mun ofẹn elin nọnsi Jehova? Bezẹle nọn da khẹke nin mhan ha mun ofẹn ọne elin? Be imhan ha rẹ miẹn ugbega yẹ bhi ẹghe edọnmhẹn sade mhan mun ofẹn elin nọnsi Jehova?
Inọnta Nin Eria Ne Tie Ebe Nesẹmhan Nọọn
Ikpẹ nan gbẹn ọbhi Galatians 5:22, 23, ele ọkpa be hi ikpẹ ọsi ẹlinmhin nọn khiale?
“Imẹn Tobọmhẹn Dẹ Guanọ Ihuan Nesẹmhẹn”
Uhọnmhọn-ọta nọnzi 25: August 17-23, 2020, ọle a ha da luẹ ọne uhọnmhọn-ọta nan: Be re ẹbho eso zobọ bhi oga nọnsi Jehova aharẹmiẹn ọ ki sẹbhi ikpe ne bunbun nin ele mọn da ga ọle? Ẹlo nela Osẹnobulua re ghe ele? Ọne uhọnmhọn-ọta nan dẹ re ewanniẹn ọbhi ene inọnta nin. Mhan dẹ yẹ zilo nyan ebi mhan ha sabọ luẹ bhi uwedẹ nin Jehova rẹ ne ẹbho ne zobọ bhi oga nọnsọle lu emhin yẹ bhi ẹghe nọn gbera.
“Fikie Bu Mẹn Re”
Uhọnmhọn-ọta nọnzi 26: August 24 rẹ sẹbhi 30, 2020, ọle a ha da luẹ ọne uhọnmhọn-ọta nan: Jehova guanọ nin ẹbho ne zobọ bhi oga nọnsọle fikie vae dọ ha ga ọle. Emhin ne bunbun ribhọ nin mhan ha sabọ lu rẹ rẹkpa ene guanọ nin ele fikie bu iJehova. Bhi ọne uhọnmhọn-ọta nan, mhan dẹ zilo nyan ebi mhan ha rẹ sabọ rẹkpa ele yẹ.
