Tie Genesis 25:​29-34 nin uwẹ rẹ lẹn si Isọ bi Jekọp zẹ emhin ne gbale.

Manman gbẹlokotọ bhi ebi a tẹmhọnlẹn. Emhin nela ka sunu? (Gen. 25:​20-28) Be bhọ sunu kike?—Gen. 27:​1-46.

Manman gua otọ ọne ẹmhọn dinmhin. Be bhọ ẹsọn bi emhin ne khẹke ọmọndiọn bhi ẹghe ẹdẹlẹ?—Gen. 18:​18, 19; w10 5/1 13.

• Ọria dẹ ka ha yi ọmọndiọn fo ọkuẹsẹ Mezaya na bhi ulin uwa nọnsọle vae? (w17.12 14-15)

Guanọ emhin kpataki ne ribhọ, uwẹ ha yẹ re obọ rẹkhan ele. Bezẹle nin ihe ọsi ọmọndiọn da manman lu uhọnmhọn emhin rẹji Jekọp gbera Isọ? (Hib. 12:​16, 17; w03 10/15 28-29) Ẹlo nela Jehova rẹ ha ghe ene ibhio nan veva? Bezẹle? (Mal. 1:​2, 3) Be bhọ ọ rẹ khẹke nin Isọ lu beji ọle ha da sabọ zẹ emhin ne mhẹn rẹ lu?

• Nọọn egbe ẹ, ‘Be bhọ mẹn ha rẹ rẹman yẹ ghe emhin oriọn ti mẹn bhọ bhi emhin nin mẹn lu uzana-uzana, bọsi nan rẹ ha lu oga azagba-uwa?’