UHỌNMHỌN-ỌTA NỌNZI 5
Ebe Ikolo Nin Mhan Yo Tale Rẹji Mhan
“Ha wewe uyumhin nọnsi Ebealẹn mhan, okuẹsẹ ọle vae.”—1 COR. 11:26.
ILLO 18 Izọese Nọnsi Jesu Ti Mhan Bhọ
EBI MHAN DA LUẸ *
1-2. (a) Be iJehova daghe sade ẹbho ne bunbun sikoko bhi Ayere ọsi uyumhin nọnsi Jesu? (Fẹ adudu nọn ribhi odalo ọne ebe nan ghe.) (b) Inọnta nela mhan ha zilo nyan bhi ọne uhọnmhọn-ọta nan?
Ọ IYI usun ẹbho ne sikoko nin ele lu Ayere ọsi uyumhin nọnsi Jesu Jehova gheghe daghe; ọle daghe ọdeọde bhi ẹwẹ ele. Bhi ọsi ijiẹmhin, ọle daghe ene wo vae ukpe-ukpe. Asabọmiẹn eso bhi ene ẹbho nan wo vae aharẹmiẹn ele ribhi ẹkẹ ekpokpo. Sẹyẹ, aharẹmiẹn ọ iyi ẹghe rebhe eso rẹ vae bhi ikolo oga nekẹle, ele igbẹdẹ iluemhin ọsi Ayere, ranmhude ele ghe ọle bii emhin kpataki. Jehova yẹ daghe ene vae bhi ọsi ọhẹnhẹn ranmhude ele ho nin ele dọ fẹghe ebi ọne ikolo dia yẹ.
2 Gene gene, ọ re iJehova ghọnghọn sade ọle daghe ẹbho ne bunbun vae bhi ọne Ayere. (Luke 22:19) Ọkpakinọn, ọ iyi eka ẹbho ne vae bhi ọne Ayere iJehova ghe, ebezẹle nin ele da vae, ọle iJehova ghe. Bhi ọne uhọnmhọn-ọta nan, mhan dẹ zilo nyan ene inọnta nan: Bezẹle nin mhan da yo ikolo ọsi Ayere ọsi uyumhin nọnsi Jesu? Bezẹle nin mhan da yẹ yo ikolo oga nekẹle nan do uzana-uzana nin Jehova mhanmhan nin ene hoẹmhọn ọlẹn?
(Fẹ uduọle 1-2 ghe) *
IDEGBERE RE IMHAN YO
3-4. (a) Bezẹle nin mhan da yo ikolo oga nesẹmhan? (b) Be imhan rẹman sade mhan yo ikolo oga? (c) Ranmhude emhin nan gbẹn ọbhi 1 Corinthians 11:23-26, bezẹle nọn bha da khẹke nin mhan gbẹdẹ iluemhin ọsi Ayere?
3 Rambhude ikolo nesẹmhan deba oga nin mhan ga iJehova, ọle zẹle nin mhan da yo ene ikolo ẹghe rebhe. Emhin ọbhebhe nọn zẹ nin mhan da yo ene ikolo hi, Jehova re ene ikolo rẹ man mhan emhin. Ẹbho ne mhọn okpẹhio ika nan man ele emhin. (3 John 9) Mhan iyi iriọ, mhan muegbe nin Jehova bi agbotu nọnsọle man mhan emhin.—Isa. 30:20; John 6:45.
4 Ahamiẹn mhan yo ikolo oga, ọnan ki rẹman ghe mhan mhọn 1 Corinthians 11:23-26.) Ọne iluemhin nan rẹkpa mhan rẹ ziẹn ikhuaẹloghe nin mhan mhọn. Ọ yẹ rẹkpa mhan rẹ yere ghe Jehova manman hoẹmhọn mhan. Ọkpakinọn, Jehova lẹn ghe ọ iyi osukpa bhi ukpe ọkhẹke nan ha ziẹn mhan udu. Bhiriọ, ọle da mhanmhan ikolo oga nekẹle nin mhan. Ọle guanọ nin mhan ha yo ene ikolo nan. Idegbere hi emhin nọn ha rẹkpa mhan rẹ hẹnmhọn nin Jehova yẹ ha yo ene ikolo nan. Mhan re uriagogo ne bunbun rẹ muegbe ọbhi otọ khẹ ene ikolo, yẹ yo ene ikolo.
idegbere, ghe mhan muegbe nin Jehova ha man mhan emhin. Ọ iyi ranmhude ghe, ebi mhan ha lu nọn ọkpa zẹle nin mhan da yo Ayere ọsi uyumhin nọnsi Jesu, idegbere nin mhan mhọnlẹn zẹle mhan lu beji Jesu taman mhan, ghe nin mhan ha lu ọnan rẹ ye ọle re. (Tie5. Bezẹle nin ẹbho ne mhọn idegbere da vae nin Jehova ha man ele emhin?
5 Ukpe-ukpe, ẹbho ne bunbun ne mhọn idegbere wo bu iJehova re, nin ọle ha man ele emhin. (Isa. 50:4) Ele sọnyẹnmhẹn sade ele vae bhi Ayere ọsi uyumhin nọnsi Jesu, bhiriọ, ele ki yẹ munhẹn ha vae bhi ikolo oga nekẹle. (Zech. 8:20-23) Ọ re eghọnghọn ji mhan bi ene re ẹnẹ ji mhan bhi ikolo oga, nin Jehova rẹ ha man mhan emhin, ọle hi ọmiẹn-mhan-fan, ọle hi ọnọn rẹkpa mhan. (Ps. 40:17) Gene gene, mhan manman ghọnghọn ranmhude Jehova bi Jesu hi ene man mhan emhin. Emhin soso iribhọ nọn ha sabọ rẹ mhan ha sọnyẹnmhẹn gbera emhin nin mhan luẹ bhi obọ ele.—Matt. 17:5; 18:20; 28:20.
6. Be idegbere rẹ rẹkpa okpea ọkpa rẹ vae bhi Ayere ọsi uyumhin nọnsi Jesu yẹ?
6 Ukpe-ukpe, mhan dọnmhegbe rẹ tie ẹbho ne bunbun nin ele vae dọ deba mhan lu Ayere ọsi uyumhin nọnsi Jesu. Ẹbho ne bunbun ne mhọn idebgere ne vae bhi ọne Ayere sẹ wo miẹn elele bhọ. Bhi ọsi ijiẹmhin, bhi ikpe ne bunbun ne ki gbera nian, obhio mhan ọkpa da re ebe nan rẹ tie ẹbho vae bhi Ayere nin okpea ọkpa. Ọkpakinọn, ọne okpea da taman ọne obhio mhan ghe ọle ida sabọ vae. Ẹghe nan ki rẹ ha lu ọne Ayere, ọne okpea da vae bhi Kindọn Họọ. Ọnan da wo han ọne obhio mhan ilo. Uwedẹ nan rẹ wo miẹn ọne okpea ọbhi egbe da wo manman ha yẹẹ ọle, rẹ sẹbhọ ghe, ọle da munhẹn ha vae bhi ikolo oga nekẹle. Bhi ọsi ẹmhọanta, igba ea ọkpa ọle gbẹdẹ ikolo bhi ẹkẹ ọne ukpe nin rebhe. Be rẹkpa ọle ha vae bhi ikolo oga rebhe nesẹmhan? Idegbere nin ọle ha mhọnlẹn rẹkpa ọle. Ọne obhio mhan nọn tie ọle vae bhi ọne Ayere da yọle, “Okpea nọn mhọn idegbere ọle wo khin.” Edandan iribhọ ghe Jehova hi ọnọn tie ọne okpea nan nin ọle vae dọ ha ga Ọle. Ẹjayenan nian, ọle ki mianmẹn fo.—2 Sam. 22:28; John 6:44.
7. Be ebi mhan luẹ bhi ikolo oga bi ebi mhan tie bhi Baibo rẹ rẹkpa mhan rẹ ha mhọn idegbere yẹ?
7 Emhin nin mhan luẹ bhi ikolo oga bi ebi mhan tie bhi Baibo rẹkpa mhan rẹ ha mhọn idegbere. Ẹghe ha ki ha sire nan rẹ lu ọne Ayere, ẹmhọn iJesu bi idegbere nin ọle rẹman bhi ẹghe nin ọle rẹ re iẹnlẹn nọnsọle rẹ zọese nin mhan, ọle a da wo ha tẹmhọn ọlẹn bhi ikolo. Ọ ha ki ha ribhi ikpẹdẹ eso nan ha rẹ lu ọne Ayere, ọ dẹ wo manman ha mhẹn, sade mhan sabọ tie iBaibo ne tẹmhọn uyumhin bi uriọkpanọ nọnsi Jesu. Emhin nin mhan luẹ bhi ene ikolo bi ene iBaibo manman kie re imhan ha mhọn ọtibhọ da izọese nọnsi Jesu. Ọnan ki rẹ mhan ha guanọ nin mhan ha mhọn idegbere bọsi Jesu, bi nin mhan yẹ rẹ lu iho nọnsi Jehova aharẹmiẹn ọ bha lẹkhẹ nin mhan.—Luke 22:41, 42.
IZEBHUDU RẸKPA MHAN RẸ YO
8. Be iJesu rẹ re izebhudu man yẹ?
8 Mhan yẹ wo dọmhegbe rẹ re egbe khọkhọ iJesu bhi uwedẹ nin mhan rẹ re izebhudu man. Uwẹ be sẹ ria eria nyan izebhudu nin iJesu rẹman ọkuẹsẹ ọle yu? Ọle tobọle lẹn ghe, eghian ọle kuẹ gbe ọle a, ele dẹ gbe ọle Matt. 20:17-19) Ọ da yẹ zegbere mun ẹlo da uu. Ẹghe nin ọne ẹghe ki rẹ sẹ, ọ da taman edibo nesọle eso nin ele koko ribhi ogba natiọle Gethsemane yọle: “Bha kpano, ji mhan ha khian. Ghọle! Ẹghe nan ha rẹ khiẹn imẹn sire.” (Matt. 26:36, 46) Ẹghe nin usun ẹbho ki rẹ ne emhin okhọn bu ele re nin ele dọ mun ọlẹn, ọ da dagbare taman ele ghe, ọle hi Jesu, ghe nin ele ji etuegbe nesọle da ha khian. (John 18:3-8) Udede izebhudu Jesu gene rẹman bhi enin. Ẹlẹnan nian sẹyẹ, enanzẹle bi ihuan nekẹle wo dọnmhegbe nin ele rẹ re egbe khọkhọ iJesu bhi izebhudu nin ọle rẹman. Be ele rẹ lu ọnan yẹ?
ugbemhin oya yẹ re ọle kpe eyẹyẹ. (Izebhudu nin uwẹ rẹ yo ikolo oga re ahu nin ẹbho ebhebhe (Fẹ uduọle 9 ghe) *
9. (a) Be ha re imhan ha guanọ izebhudu nin mhan rẹ yo ikolo oga rebhe? (b) Be ijiẹmhin nọnsẹmhan ha rẹ sabọ rẹkpa ibhio mhan ne ribhi ighan yẹ?
9 Ranmhude ọkakale nin mhan ye, asabọmiẹn mhan dẹ re izebhudu man ọkuẹsẹ mhan sabọ yo ikolo oga rebhe. Ibhio mhan eso yẹ wo yo ikolo oga aharẹmiẹn ele ribhi akhiẹ, la egbe iẹnlẹn lọ ele, la emianmhẹn bha ji egbe da fu ele re. Eso yẹ wo yo ikolo oga aharẹmiẹn azagba-uwa nọnsele la ene gbẹloghe bha ji ele da wọn amẹn re ikpu ọbhi otọ. Ijiẹmhin nọnsẹmhan wo ha rẹkpa ibhio mhan ne ribhi ighan ranmhude urẹọbhọ nọnsele. (Heb. 13:3) Riale ebi ọ ha dia ele yẹ sade ele họn ghe, mhan sẹyẹ wo ga iJehova arẹmiẹn mhan ribhi edọnmhẹn, ọnan ki wo mun ele udu zeze, yẹ re ahu nin ele rẹ mun urẹọbhọ nọnsele mhọn nọnsẹn sẹbhi ọkpẹnlẹn. Iriọ ọ yẹ rẹ sunu ji Paul. Ẹghe nin ọle rẹ ribhi ighan bhi Rome, ọ manman wo re ọle ghọnghọn, sade ọle họn ghe ibhio ọle wo mun oga nọnsi Jehova mhọn nonsẹn. (Phil. 1:3-5, 12-14) Bhi egbe ẹghe nan rẹ fan ọle fia bhi ighan, Paul da gbẹn ebe osi Hebrews. Bhi ọne ebe nan, ọ da taman ibhio ọle ghe, nin ele ji oyẹẹ nọn ribhi ẹwẹ ele wo ha ribhọ khian. Ọ da yẹ taman ele ghe, nin ele hẹi gbẹdẹ ikolo oga.—Heb. 10:24, 25; 13:1.
10-11. (a) Họla mhan ha tie vae bhi Ayere ọsi uyumhin nọnsi Jesu? (b) Be Ephesians 1:7 yọle ghe ọ zẹle nin mhan ha da tie ele?
10 Izebhudu mhan rẹman sade mhan tie ibhio mhan, ene imhan koko wẹnna, la eria ne diake mhan vae bhi Ayere ọsi uyumhin nọnsi Jesu. Bezẹle nin mhan ha da tie ele? Ranmhude ghe ebi Jehova bi Jesu lu nin mhan manman ti mhan bhọ. Mhan guanọ nin ẹbho ebhebhe yẹ vae bhi ọne Ayere. Mhan ho nin ele yẹ luẹ ebi ele ha rẹ sabọ miẹn elele yẹ bhi izọese nọnsi Jesu nin Jehova rẹ mhọn ifuẹkẹle nọn bha khẹke mhan da mhan.—Tie Ephesians 1:7; Rev. 22:17.
11 Ahamiẹn mhan re izebhudu vae bhi ọne ikolo nan, ikpẹ kpataki ọbhebhe mhan sẹyẹ wo rẹman riọ, ikpẹ nin Jehova bi Jesu manman wọ rẹman bhi uwedẹ kpataki.
OYẸẸ ZẸLE MHAN YO
12. (a) Be ikolo oga nesẹmhan rẹ mun oyẹẹ nin mhan mhọn da iJehova bi Jesu zeze ọbhọ yẹ? (b) Be 2 Corinthians 5:14, 15 yọle nin mhan lu rẹ re egbe ha khọkhọ iJesu?
12 Oyẹẹ nin mhan mhọn da iJehova bi Jesu zẹle nin mhan da yo ikolo oga. Ebi mhan luẹ bhi ikolo oga ki gbo re oyẹẹ nin mhan mhọn da iJehova bi Ọmọn nọnsọle ha tuẹn okhun. Bhi ikolo oga, ẹghe-ẹghe a rẹ rẹkpa mhan Rom. 5:8) Ikẹ Ayere ọsi uyumhin nọnsi Jesu rẹ rẹkpa mhan rẹ yere ebi oyẹẹ nin ele mhọn da mhan manman rẹ dinmhin yẹ. Ọne oyẹẹ ye sẹbhi egbe ọsi ene bha sẹ lẹn ebi Jehova bi Jesu lu nin ele. Ranmhude ọtibhọ nin mhan mhọnlẹn, mhan wo dọnmhegbe nin mhan rẹ ha re egbe khọkhọ iJesu bhi uwedẹ nin mhan rẹ nyẹnlẹn ukpẹdẹ-ukpẹdẹ. (Tie 2 Corinthians 5:14, 15.) Deba ọnin, ọ ti mhan bhọ rẹ re ọkhọle mhan rebhe ha gẹn iJehova ranmhude izọese nọnsi Jesu. Uwedẹ ọkpa nin mhan ha rẹ lu ọnan hi, sade mhan rẹ ọkhọle rebhe wanniẹn inọnta bhi ikolo oga.
rẹ yere ebi ele lu nin mhan. (13. Be imhan ha rẹ rẹman yẹ ghe, oyẹẹ nin mhan mhọn da iJehova bi Jesu gene dinmhin? Re otọle man.
13 Mhan ha muegbe nin mhan rẹ fikeke gbe emhin nọn hi ki rẹ khin bhi iẹnlẹn, mhan re ọnan rẹman ebi oyẹẹ nin mhan mhọn da iJehova bi Jesu gene dinmhin sẹyẹ. Ẹghe-ẹghe mhan rẹ zẹ emhin kẹkẹ obọ nin mhan da sabọ yo ikolo oga. Ẹghe nin ẹbho rẹ zobọ bhi isi wẹnna, ọle agbotu ne bunbun rẹ yo ọkpa bhi ikolo nọnsele, ẹghe nin egbe ha re lọ ẹbho ranmhude iwẹnna ukpẹdẹ. Ele ki yo ikolo nọnkẹle bhi ede iSaturday la Sunday, ẹghe nin ele ha rẹ koahu a bii ẹbho nekẹle. Jehova be daghe ọle ghe, mhan yo ikolo oga aharẹmiẹn egbe lọ mhan? Ehe! Bhi ọsi ẹmhọanta, mhan da manman ha dọnmhegbe nin mhan rẹ ha yo ikolo oga, ọnan ki rẹman ghe, mhan manman hoẹmhọn iJehova. Ọnan gene wo ti Jehova bhọ.—Mark 12:41-44.
14. Ijiẹmhin nela iJesu re ọbhi otọ bhi uwedẹ nin ọle rẹ ranmhude oyẹẹ mun ẹmhọn ẹbho nekẹle kalo gbera ọsi ọle?
14 Jesu ka re ijiẹmhin ọbhi otọ nin mhan ha rẹkhan bhi uwedẹ nin ọle rẹ ranmhude oyẹẹ mun ẹmhọn ẹbho nekẹle kalo gbera ọsi ọle. Ọle da muegbe nin ọle rẹ yu nin edibo nesọle. Ẹmhọn edibo nesọle ọle wo ha mun kalo ukpẹdẹ-ukpẹdẹ. Bhi ọsi ijiẹmhin, arẹmiẹn egbe lọ ọle, la udu khua ọle, ọ da sẹyẹ guanọ ẹghe rẹ bu edibo nesọle re. (Luke 22:39-46) Ebi ọle ha miẹn re nin ẹbho ọle wo ha guanọ, ọ iyi ebi ọle ha miẹn bhi obọ ele. (Matt. 20:28) Ahamiẹn oyẹẹ nin mhan mhọn da iJehova bi ibhio mhan ziẹn sẹbhi inian, mhan dẹ lu ebi mhan ha sabọ lu rebhe nin mhan da sabọ yo Ayere ọsi uyumhin nọnsi Jesu yẹ ha yo ikolo oga nekẹle rebhe.
15. Hela mhan manman guanọ?
15 Agbotu ọsi Kristiẹn ne gene mhọn ahoẹmhọn-egbe bhi ẹwẹ ele mhan khin. Ọ wo Gal. 6:10) Mhan ha re izebhudu nin ele beji ele ha da sabọ deba mhan yo ikolo oga, manman nọn Ayere ọsi uyumhin nọnsi Jesu, mhan re ọnan rẹman ghe, mhan hoẹmhọn ele. Beji ọ rẹ ti Jehova bi Jesu bhọ, iriọ ọ yẹ rẹ ti mhan bhọ sade ọria nọn sẹriọ fikie bu iJehova re, Aba nọn hoẹmhọn mhan nọn yẹ sun mhan.—Matt. 18:14.
ti mhan bhọ rẹ noo ẹghe nọnsẹmhan rẹ tie ẹbho nin ele dọ deba mhan. Ọkpakinọn, mhan manman guanọ ene imhan bi ele rẹ koko ha ga, ne iyẹ vae bhi ikolo oga la ne iyẹ yo inẹbho. (16. (a) Be imhan ha rẹ sabọ ha re izebhudu nin egbe yẹ? Be ikolo oga nesẹmhan ha lu nin mhan? (b) Bezẹle nin ọne ẹghe nan da yi ẹghe nọn mhẹn bhi ẹkẹ ukpe, nin mhan ha rẹ ye ọta nọnsi Jesu re nọn ribhi John 3:16?
16 Bhi uzana ne vade, tie ọrebhe nin uwẹ ha sabọ tie, nin ele vae dọ deba mhan lu Ayere ọsi uyumhin nọnsi Jesu bhi ọsemuan ọsi ẹdẹ iFriday, April 19, 2019. (Fẹ ọne ẹkpẹti ghe nọn yọle: “ Uwẹ Dẹ Be Tie Ele?”) Bhi ẹkẹ ọne ukpe nan bi ikpe ne vade rebhe, bha jamiẹn ghe mhan ribhi ikolo oga rebhe nin Jehova mhanmhan nin mhan, bhiriọ, mhan ki re ijiẹmhin nọnsẹmhan ha mun ẹbho nekẹle udu zeze. Beji ọkpẹnlẹn ọsi ọne agbọn nan rẹ ha sire, ikolo oga nesẹmhan dẹ rẹkpa mhan rẹ ha mhọn idegbere, izebhudu bi oyẹẹ. (1 Thess. 5:8-11) Bha ji mhan re ọkhọle mhan rebhe rẹman iJehova bi Ọmọn nọnsọle ebi oyẹẹ nin mhan mhọn da ele dinmhin sẹyẹ, ranmhude uwedẹ nin ele manman rẹ hoẹmhọn mhan.—Tie John 3:16.
ILLO 126 Ha Sasa, Hẹi Ji Egbe Lọ Uwẹ
^ udu ọle 5 Ọsemuan bhi ẹdẹ iFriday April 19, 2019, ọle mhan ha lu Ayere ọsi uyumhin nọnsi Jesu. Ọnan hi ikolo nọn kokhun nẹ nin mhan ha yo bhi ọne ukpe nan. Bezẹle nin mhan da yo ọne ikolo nan? Ranmhude mhan ho nin mhan re iJehova ha ghọnghọn. Ahamiẹn mhan yo ọne ikolo nan bi ikolo oga nekẹle nesẹmhan, mhan ki ha rẹman ghe mhan mhọn ikpẹ esili kẹkẹ. Bhi ọne uhọnmhọn-ọta nan, mhan dẹ zilo nyan ikpẹ esili nin mhan rẹman sade mhan yo ene ikolo nan.
^ udu ọle 50 ADUDU NỌN RIBHI ODALO ỌLE: Mhan tie ẹbho ne bunbun bhi ọne agbọn rebhe nin ele vae dọ deba mhan lu iluemhin ọsi Ebale Emuan Nọnsi Ebealẹn Mhan
^ udu ọle 52 EMHIN NAN RẸMAN BHI IFOTO: Ebe nin ene ribhi uwa gbẹn ji obhio mhan ọkpa nọn ribhi ighan ranmhude urẹọbhọ nọnsọle wo mun ọlẹn udu zeze. Ọnan re ọle lẹn ghe a bha ye ọle a, ghe azagba-uwa nọnsọle sẹyẹ wo ha ga iJehova, arẹmiẹn ene gbẹloghe bhi agbaẹbho nọnsele bha ji ele da wọn amẹn re ikpu ọbhi otọ.