Tie Genesis 37:​23-28; 39:​17-23 nin uwẹ rẹ sabọ miẹn emhin luẹ bhi okha ọsi Josẹf bhi ẹghe nan bha rẹ lu ọle nọnsẹn.

Manman gbẹlokotọ bhi ebi a tẹmhọnlẹn. Be Josẹf rẹ dọ ha ribhi ọne idia nan yẹ? (Gen. 37:​3-11; 39:​1, 6-10) Eka ikpe ọle ha le ọne oya nan na? (Gen. 37:2; 41:46) Bhi ene ẹghe nan rebhe, be Jehova lu nin Josẹf, sẹyẹ, be bhọ ọle bha lu nanlẹn?—Gen. 39:​2, 21; w23.01 17 ¶13.

Manman gua otọ ọne ẹmhọn dinmhin. Baibo bha yọle ghe Josẹf lu emhin soso nin ọle rẹ rẹman ghe ohoghe okhuo Pọtifa bha ọle le. Be Proverbs 20:2; Jọni 21:25; bi Iwẹnna 21:37 rẹ rẹkpa mhan rẹ lẹn emhin nọn ha sabọ zẹ nin Josẹf da huẹan, bi ebezẹle nọn bha da khẹke nan gbotọ emhin rebhe fanọn an man mhan? Ikpẹ nela ha sabọ miẹn ghe ọ rẹkpa Josẹp rẹ ziẹngbe ọne idia nan?—Mic. 7:7; Luk 14:11; Jem. 1:​2, 3.

Guanọ emhin kpataki ne ribhọ. Nọọn egbe ẹ:

• ‘Uwedẹ nọn bha gba nela ẹbho ha rẹ sabọ nin mẹn lu emhin ranmhude nin mẹn rẹ yi ọkpa bhi edibo nesi Jesu?’ (Luk 21:​12, 16, 17; Hib. 10:​33, 34)

• ‘Be imẹn ha rẹ sabọ muegbe ọbhi otọ yẹ nian, beji imẹn ha da re emhin khian nọnsẹn sade ẹbho bha lu mẹn nọnsẹn?’ (Ps. 62:​7, 8; 105:​17-19; w19.07 2-7)