Mhan Dẹ Sabọ Ha Mhọn Iruduba Arẹmiẹn Ghe Ọnọghọ Vuọn Ọne Agbọn Nan
Mhan Dẹ Sabọ Ha Mhọn Iruduba Arẹmiẹn Ghe Ọnọghọ Vuọn Ọne Agbọn Nan
“Bhi ẹghe ọkike, ọkakale nọn bha lẹkhẹ nan rẹ khọn, dẹ ha ribhọ.”—2 TIMOTHY 3:1.
UWẸ be sẹ re ehọ họn, la re ẹlo miẹn ene ọkhọbhẹlo nan khẹ?
● Emianmhẹn ọbe nọn gbono ẹbho ne bunbun an.
● Eji ohanmhẹn da gbono ẹbho ne bunbun an.
● Eji otọ da mun vẹ a, riia emhin an, yẹ gbono ẹbho ne bunbun an.
Bhi uhọnmhọn-ọta ne rẹkhan ọnan, mhan dẹ zilo nyan emhin ne dia inian ne sunu bhi agbọn ẹlẹnan. Uwẹ ki yẹ dọ kere ghe Baibo ka tale ọbhi otọ ghe, inian emhin da dia bhi ọne “ẹghe ọkike nan.” *
A bha gbẹn ọne ebe nan nan rẹ rẹkpa uwẹ lẹn ghe, emhin kie wo khọ bhọ bhi ọne agbọn nan, uwẹ ki ka tobuwẹ lẹn ọnin khẹ. A gbẹn ọlẹn nọn da rẹkpa uwẹ ha mhọn iruduba. Ene uhọnmhọn-ọta dẹ tẹmhọn ọta akhasẹ ehan ne munsẹ ẹlẹnan. Uwedẹ nin ele rẹ ha munsẹ rẹman ghe, ọkpẹnlẹn ọsi ọne agbọn nan manman sire. Ọkpakinọn, ọ iyi ẹbho rebhe rẹọbhọ ghe ẹghe ọkike ọsi ọne agbọn nan mhan ye. Bhiriọ, ene uhọnmhọn-ọta dẹ yẹ rẹman ebezẹle nin mhan ha da sabọ rẹọbhọ ghe, iloya dẹ kẹ fo bhi ọne agbọn nan.
[Ebi a gbẹn ọbhi otọle]
^ udu ọle 7 Nin uwẹ rẹ lẹn ebezẹle nin Osẹnobulua da re otọ nin emhin ọbe rẹ ha sunu, tie ọne uhọnmhọn-ọta nọn yọle: “Why Does God Allow Evil and Suffering?” bhi apapale 16 bi 17 bhi ọne ebe nan.