Ẹbho ne bunbun riale ghe, ikrọsi a rẹ lẹn ene yi Kristiẹn. Ọkpakinọn, Esali Jehova inoo krọsi bhi oga nọnsele arẹmiẹn Kristien ele khin. Bezẹle nin ele ida noo krọsi?

 Ọhẹnhẹn. Baibo bha yọle ghe krọsi a khan iJesu mun. Sokpan, Baibo rẹman ghe ukporan ọkpa sẹsẹ nan fi ba ọbhi otọ, ọle a khan iJesu mun. Rẹ deba ọnin, Osẹnobulua bhọ da taman ene ga ọle nin ele “re egbe nẹ bhi iga-ẹbọ.” Bhiriọ, ọ bha khẹke nin Kristiẹn ha noo krọsi bhi oga.​—1 Corinthians 10:14; 1 John 5:​21.

 Jesu da rẹkpa mhan lẹn ebi ẹbho ha rẹ ha lẹn edibo nesọle. Ọle da yọle: “Ọnan ẹbho rebhe ha rẹ lẹn ghe edibo nesẹmhẹn bha khin, sade bha mhọn ahoẹmhọn-egbe da egbe.” (John 13:​34, 35) Jesu da re ọnan rẹman ghe, ahoẹmhọn-egbe, ọle hi iyaman nan ha rẹ lẹn Kristiẹn ọsaje, ọ iyi krọsi.