Ọki gbera ikpe 130 nin otu Esali Jehova muhẹn bhi ọnin ore nan. Bhọnin ẹghenin, ikpeta eria eso ne luẹ iBaibo neha nyẹn bhi egbegbi Pittsburgh, Pennsylvania, bhi United States da muhẹn a luẹ Baibo ne rẹ lẹn otọle. Ele da luẹ fẹghe si iman-emhin ọsi otuẹ ba rẹkhan eka nin iBaibo tale. Ele da muhẹn a gbẹn dagbare bhi nuspepa bi ebe ebhebhe ebele luẹ. Ọkpa bhi ebe nele muhẹn a gbẹn ẹghenin i The Watchtower—Announcing Jehovah’s Kingdom.

Okpia ọkpa natiọle Charles Taze Russell ha ri bhọnin otu nin. Arẹmiẹn ghe Russell ari ọnin iwẹnna iluẹmhin Baibo bi ebe nan gbẹn khian ẹghenin, ọiyi ọle mun oga Esali Jehova gbọ. Emhanmhan ọsi Russell bi enekẹle ne ko aluẹ iBaibo da hayi nele rẹ man ẹbho iman-emhin nesi Jesu Kristi bi ne rẹ ga bhu uwedẹ ni agbotu ọsi Kristian rẹ aga ẹghe nanre muọn gbọ. Ranmude iJesu mui oga iKristian gbọ, ọle mhan lẹn bọnọn mui agbotu mhan gbọ.—Colossians 1:18-20.