Ehe. Mhan i rẹọbhi Jesu. Ọle tale: “I mhẹn ọnu uwede, ọnin ẹmhọn-ata bi ọni iẹnlẹn. Ọria soso i sabọ sẹbhe eji Aba yẹ sọbha nobọ mhẹn.” (John 14:6) Mhan rẹọbhọ ghe iJesu no okhun vae bhọnan agbọn nan nọn dọ ri iẹnlẹn nọn gbale nọnsọle rẹ zọẹse mhan. (Matthew 20:28) Ranmudi uyumhin bi ariọkpanọ nọnsọle, eria ne rẹọbhọ mudu nyan ọle dẹ sabọ nyẹn bhi ighegheghe. (John 3:16) Mhan yẹ rẹọbhọ ghe iJesu muhẹn a gbẹloghe bi Ojie ọsi Ejele nọnso Osẹnobulua bhokhun ẹlimhin, ọnin ejele dẹ kẹ mui ọfure vae bhọnan agbọn nan rebhe. (Revelation 11:15) Ọrẹyiriọ, mhan yẹ rẹọbhi ebi Jesu tobọle ta, bejọ ọle wẹ: “Ọnin Aba kpọnọ nẹn mhẹn.” (John 14:28) Bhiriọ, imhan i gi Jesu, ranmude mhan bha rẹọbhọ ghe ọle hi Osẹnobulua nọn kokhun nẹn.