Eye. Ikristian ne rẹọbhi ebe ribhi Baibo, Esali Jehova khin. Arẹmiẹn ghe otuẹ eso tale ghe usikoko ọsi enen Jiu bhotọ Palestine ọ rẹtẹ akhase bhi Baibo, Esali Jehova bha rẹọ bhi ọnan. Bhi ọsi ẹmhọn-ata, iBaibo bha tale ghe ugbeloghe ọsi ẹria la agba-ẹbho eso mhẹn nin enekẹle. Ebe ọsi Esali Jehova natiọle The Watchtower wo tale, gbọle ẹhoa : “Abha min eji Baibo da talo deba ugbẹloghe ọsi enẹn Jiu.”

Ọnin ebe Encyclopædia Britannica tale re ghe ene khu nin enen Jiu rẹ ha mhọn ugbẹloghe nọnsele elei “Otu Jiu ne guanọ nan mun ugbẹloghe ọsi enẹn Jiu gbọ bhi Palestine.” Ilọmhọn efinẹfi bi oga ọle ribhi otọle. Iwewe ẹmhon ọsi ugbẹloghe ọsi enẹn Jiu bha deba iman-emhin nonsi Esali Jehova, ele i mhọn obọ bhi ọfinẹfi ọsi enẹn Jiu.

Agbotu ọsi oga ọlei agbotu nọnsi Esali Jehova, elei mhọn obọ bhi ilọmhọn ọfinẹfi soso rẹsẹ bhi ugbẹloghe nin ekhẹẹn Jiu guanọ. Eba lẹn nan gbẹn ọbho otọ nọn ghe Esali Jehova elei zi ibo bhi ilọnmhọn ọfinẹfi. Bhi ẹbho eso, Esali Jehova loya ranmhude ele bha ka deba bhi ilọnmhọn ọfinẹfi. Man gene rẹọbhọ ghe Agbejele nọnsi Osẹnobulua kpa la sabọ mun ọfure ighegheghe re bha agbọn rebhe; ọiyi ugbẹloghe ọsi eria.

Ọkpa bhi emhin kpataki nin Esali Jehova rẹọ, ọlei eje ele rẹ ha ye, ele lu rẹkhan uhi ọsi ene gbẹloghe. Ele i sọtẹ da ene gbẹloghe la ne mun emhin okhọn rẹha khọn.