Baibo rẹman ghe, Osẹnobulua bha man Esu. Ọria ọle man nọn re egbe ọle kiẹn Esu. Rẹji Osẹnobulua Baibo da yọle: “Iwẹnna nesọle rebhe gbamhin, Ranmhude ibhohiẹn nọn gbale ọle rẹ lu emhin nin ọle lu rebhe. Osẹnobulua nọn ihiẹ ọria, nọn igbo bhohiẹn eku; Ọnọn khiale bi ọnọn gbale ọle khin.” (Deuteronomy 32:3-5) Beji ọne Baibo nan rẹman, mhan dẹ sabọ yọle ghe, ẹghe hẹi ribhọ nin Esu rẹ ha yi ọria nọn khiale, nin egbe yẹ gba nan. Bhi ọsi ẹmhọanta, ọkpa bhi Ẹhi nesi Osẹnobulua ọle ka khin.

Bhi John 8:44, Jesu da yọle ghe, Esu “bha mundia bhi ẹmhọanta,” ọnan rẹman ghe, ẹghe hẹi ribhọ nin Esu rẹ ha yi ọria ẹmhọanta, nin emhin ebe bha ha ri ọle bhi obọ.

Bọsi Ẹhi nekẹle ne ribhi okhun, ọne Ẹhi nọn re egbe ọle kiẹn Esu, ha mhọn ọne isẹhoa nin ọle rẹ tobọle ze emhin nọn ha lu, si ọle dẹ zẹ nin ọle rẹ lu emhin nọn mhẹn la emhin nọn imhẹn. Nin ọle rẹ zẹ nọn rẹ sọtẹ da Osẹnobulua, yẹ si Adam bi Eve ọbhọ ne rẹ ha mhọn aka-ehọ da Osẹnobulua, ọ da re egbe ọle kiẹn Esu.—Genesis 3:1-5; Revelation 12:9.