Ma ruẹ vuhumu inọ o rẹ were ahwo buobu nọ a rrọ egagọ sa-sa re a ta ẹme kpahe iwuhrẹ Ebaibol. Uzẹme riẹ họ, ma riẹ nọ ohwo kpobi o wo udu nọ ọ rẹ rọ salọ egagọ nọ ọ rẹ jọ, yọ ma rẹ gba ahwo họ gaviezọ kẹ ovuẹ mai hi.

 Nọ ma tẹ be ta ẹme Ọghẹnẹ kẹ ahwo, ma rẹ daoma fi ohrẹ Ebaibol na h’iruo, onọ o ta nọ ma ta usiuwoma na avọ “udhedhẹ” gbe ‘omaurokpotọ.’ (1 Pita 3:15) Ma riẹ nọ ahwo jọ a te gaviezọ kẹ omai hi. (Matiu 10:14) Dede na, ma gbẹ nyae ta usiuwoma kẹ ahwo ho, ma rẹ riẹ enọ e te gaviezọ gbe enọ e te se he. Ma riẹ re inọ ahwo nọ a rọwo gaviezo oke jọ họ a rẹ sae gaviezọ oke ofa.

 Wọhọ oriruo, ẹsejọ eware e sai bu ohwo abọ te epanọ ọ gbẹ sae rọ gaviezọ họ, rekọ evaọ oke ofa ọ sae gaviezọ. Yọ ahwo a rẹ sae rẹriẹ ovao dhe ebẹbẹ hayo eware jọ, onọ u re ru ai wo isiuru kpahe eme Ebaibol. Fikiere, ma rẹ wariẹ nya bru ahwo nọ ma nya bru no vẹre.