Kọ Isẹri Jihova A re Ru Iruo Imishọnare?
Ee. Oria kpobi nọ ma rrọ kẹhẹ, mai Isẹri Jihova ma rẹ daoma yeri uzuazọ Imishọnare, koyehọ ma rẹ ta usiuwoma na kẹ ohwo kpobi nọ ma ruẹ.—Matiu 28:19, 20.
U te no ere no, Isẹri Jihova jọ a rẹ kwa kpohọ eria efa evaọ orẹwho nọ a rrọ na re a sae ta usiuwoma na kẹ ahwo. Ejọ e rẹ tubẹ kwa kpohọ orẹwho ofa re a sae ta usiuwoma na kẹ ahwo buobu. Eva e be were ae inọ a bi ru eruẹaruẹ Jesu na gba, inọ: ‘Wha ti se isẹri kpahe omẹ rite oria nọ o mai thabọ evaọ otọakpọ na.’—Iruẹru Ikọ 1:8.
Evaọ ukpe 1943, mai Isẹri Jihova ma to isukulu ekpokpọ jọ họ nọ ma re jo wuhrẹ imishọnare. A re se isukulu nana Isukulu ọ Giliad, yọ anwọ oke yena ze, Isẹri Jihova nọ i kpobi họ isukulu nana no a bu vi idu eree (8,000) no.
Enana E Sae jẹ Were Owhẹ
OWARE NỌ A BE RỌ OKẸ UNEVAZE RA RU
Imishọnare A be Ta Usi Uwoma “Rite Oria nọ O Mai Thabọ Evaọ Otọakpọ Na”
Imishọnare nọ e be ta usi uwoma evaọ akpọ na soso a bu vi idu esa (3,000). Ẹvẹ a be rọ rẹrote imishọnare nana?
Usi Uwoma Nọ Ma Be Jọ Eria Kpobi Ta
Usiuwoma Ota Evaọ Ẹkwotọ nọ Ukoko O Rrọ Họ—Australia
Uviuwou mai u bi lele Isẹri Jihova efa kpohọ erẹ evaọ oka nyae ta usiuwoma kẹ ahwo nọ a be rria ugbothabọ jọ evaọ orẹwho Australia.
ENỌ NỌ AHWO A RẸ NỌ KẸSE KẸSE
Oghẹrẹ Vẹ Isẹri Jihova A re ro Wuhrẹ Ebaibol Kugbe Ahwo?
Isẹri Jihova a gwọlọ nọ a re wuhrẹ Ebaibol na kugbe owhẹ ọvọvẹ. Yọ nọ a te bi wuhrẹ kugbe owhẹ, whẹ sai se oghẹrẹ Ebaibol kpobi. Whọ sai zizie uviuwou ra soso hayo egbẹnyusu ra re a kuomagbe owhẹ.
IWUHRẸ EBAIBOL
Rọwo nọ Ma Wuhrẹ Ebaibol na Kugbe Owhẹ
Ohwo jọ o ti wuhrẹ Ebaibol na kugbe owhẹ ọvọvẹ.