Kọ Isẹri Jihova A rẹ Hwa Abọvo Abakpe?
Ijo, mai Isẹri Jihova ma rẹ hwa abọvo abakpe he; unevaze ma be rọ wha iruo mai haro. Eme họ abọvo abakpe, kọ fikieme Isẹri Jihova a gbẹ rọ hwae he?
Evaọ usu izi nọ Ọghẹnẹ ọ kẹ emọ Izrẹl evaọ oke anwae, abọvo abakpe nọ a rẹ hwa yọ ovo jọ. Rekọ Ebaibol na o dhesẹ vevẹ nọ izi yena, onọ u kugbe uzi “abọvo abakpe” na, e rrọ rọkẹ Ileleikristi nẹnẹ hẹ.—Ahwo Hibru 7:5, 18; Ahwo Kọlọsi 2:13, 14.
Ukpenọ a rẹ hwosa abọvo abakpe, Isẹri Jihova a be rọ aro kele Ileleikristi ikpe udhusoi ọsosuọ evaọ idhere ivẹ nana: a be ta usiuwoma je wuhrẹ ahwo ọvọvẹ, yọ a re ru unevaze rọ tha iruo nana uke.
Fikiere ma bi ru lele ọkpọvio nọ Ebaibol na ọ kẹ Ileleikristi inọ: “Jọ ohwo kpobi o ru wọhọ epanọ ọ gba riẹ mu evaọ udu riẹ, orọnikọ avọ ẹgo ho hayo ọgbahọ họ, keme Ọghẹnẹ o re you ohwo nọ ọ rẹ rọ evawere kẹ okẹ.”—2 Ahwo Kọrint 9:7.
Enana E Sae jẹ Were Owhẹ
ENỌ NỌ EBAIBOL Ọ KẸ IYO RAI
Eme Ebaibol na Ọ Ta Kpahe Okẹ Abọvo Abakpe?
Akpọ u re gbe owhẹ unu nọ whọ tẹ riẹ ohẹriẹ nọ o rrọ oware nọ Ebaibol na ọ ginẹ ta avọ oware nọ ahwo buobu a roro.
ENỌ NỌ AHWO A RẸ NỌ KẸSE KẸSE
Ẹvẹ Isẹri Jihova A be rọ Ruẹ Ugho Ru Iruo Usi Uwoma Ota Rai?
Ma rẹ rehọ idhere nọ ichọche buobu a bi ro wo igho na wo igho ho.
ENỌ NỌ AHWO A RẸ NỌ KẸSE KẸSE
Kọ Isẹri Jihova A Wo Isu-Egagọ nọ A rẹ Hwosa Kẹ?
Kọ evaọ egagọ mai, a re se otujọ isu-egagọ, enọ i kiọkọ kọ ahwo gheghe? Amono a re wuhrẹ amọfa Ebaibol?
IWUHRẸ EBAIBOL
Rọwo nọ Ma Wuhrẹ Ebaibol na Kugbe Owhẹ
Ohwo jọ o ti wuhrẹ Ebaibol na kugbe owhẹ ọvọvẹ.