Obọ America oria nọ a be jọ rẹrote iruẹru Isẹri Jihova nọ e rrọ akpọ na soso o rrọ. Rekọ, orọnọ mai yọ ẹko-egagọ obọ America jọ họ keme:

•   Ahwo jọ a rẹ ta nọ ẹko-egagọ yọ utu ahwo nọ a hẹrioma no egagọ efa ze. Isẹri Jihova a hẹrioma no egagọ ọvuọvo ze he. Ukpoye, oghẹrẹ nọ egagọ Ileleikristi erọ ikpe-udhusoi ọsosuọ e jọ, ere egagọ mai e rrọ.

•   Isẹri Jihova a be ta usiuwoma evaọ erẹwho gbe ekwotọ nọ i bu vi udhusoi akuava gbe ọgba (230). Oria kpobi nọ ma rrọ kẹhẹ, Jihova Ọghẹnẹ gbe Jesu Kristi ma roma kpobi kẹ, orọnikọ egọmeti America hayo esuo ohwo-akpọ jọ họ.—Jọn 15:19; 17:15, 16.

•   Ebaibol na ma rehọ iwuhrẹ mai kpobi no ze, orọnikọ ebe nọ isu-egagọ jọ evaọ obọ America a kere he.​—1 Ahwo Tẹsalonika 2:13.

•   Jesu Kristi ma bi lele, orọnikọ ohwo-akpọ jọ o bi su omai hi.​—Matiu 23:8-10.