Omọvo jọ evaọ usu ahwo nọ a rẹ rẹrote eware nọ e rrọ okegbe ọ be kiẹ ame oso nọ o su fihọ ẹtẹre-ame riwi. Ẹtẹre-ame na ọ kẹle igeti nọ a rẹ rọ dhẹ ruọ eva uwou ogha na. Ọ be kiẹ ame na riwi re ọ riẹ sọ eware nọ a bi ru ro si enua no ame na i bi gine ruiruo.

Ọzae na o bi wuhrẹ aye na epanọ ọ sae rọ rehọ eware ekpakpala tamu ugbẹhẹ na. Eware ekpakpala na e rẹ thọ ugbẹhẹ na nọ ame ọ tẹ maki te ei. Eware ekpakpala na gbe eblọko na i re ru nọ edhedhẹ ọgaga o gbẹ rọ rro eva iwou nọ a rẹ rria na ha.

Ohwo nana ọ be rehọ ekatapila dhẹ edhere na re ọ ga ziezi taure a te ti ku ikota fihọ iẹe. Edhere na ọ rrọ abotọ uwou nọ a re se South Production Building, yọ o lafi edhere nọ o nya uwou ogha na soso wariẹ.

Obọze ukiediwo-ọre a jọ rehọ uwoho nana no ehru ze. Crane nọ ọ mae kẹle omai na ọ rrọ oria nọ a rẹ jọ dede ahwo rehọ evaọ uwou nọ ifisi e te jọ. Evaọ obọ obọze na, whọ rẹ ruẹ ekọkre nọ a ku fihọ otọ uwou nọ ifisi e te jọ na. Evaọ ẹkpẹlobọ na, whọ rẹ ruẹ otọhotọ ikichini, eria nọ a te jọ re emu, gbe ọgwa ologbo nọ ahwo a rẹ sai kokohọ. Evaọ ofẹ obọze nọ o rrọ ugbothabọ na, whọ rẹ ruẹ oria nọ ahwo a rẹ jọ rri ughe iruo ebabọ na. Rekọ a si rie no etẹe no fihọ oria ọfa re ahwo a sae ruẹ iruo ebabọ na ziezi.

A bi fi eyọno họ ehru uwou nọ ikichini, oria nọ a te jọ re emu gbe oria nọ ọgwa ologbo nọ ahwo a rẹ sai kokohọ e te jọ.

Omọvo jọ evaọ usu ahwo nọ a rẹ rẹrote eware nọ e rrọ okegbe o bi muẹrohọ ekatapila jọ nọ ọ be tọ ọgọdọ kẹle oria nọ ure jọ o rrọ. Ahwo nọ a rẹ rẹrote otọ a fi eware jọ wariẹ awọ ure na họ re a si ae ba ekpe no. A di ogba wariẹ ire efa nọ e rrọ oria ebabọ na họ, re a siọ awọ rai ba ekpe no.

Ohwo nana ọ be ruẹrẹ ẹbe nọ a vi no oria ọfa ze fihọ otọ kẹle oria nọ edhere nọ a rẹ rọ owọ nya o rrọ. Ire nọ ọ be tehe fihọ iẹe na i re kru ẹbe na daji oria ọvo bẹsenọ e rẹ ta awọ ze.

Ohwo nọ ọ rẹ ralọ uwou o bi kere inọmba họ ire nọ a rọ whẹ erru họ oria jọ evaọ edhe avọ esa. Evaọ amara nọ o lele i rie, iruiruo na a te muhọ ẹkwa ruọ Uwou D na.

Ahwo nọ a haya a be wọ istẹpo nọ a rọ ekọkre ru evaọ otọ fihọ oria nọ u fo nọ o rẹ jọ.

Ahwo nana a gadiẹ emashini jọ nọ a re se scissor lift re a thahe eyọno tamu ehru isilini na. Evaọ ofẹ obọze na, whọ rẹ ruẹ emashini nọ a re se duct jack, onọ ahwo nọ a re ru ẹkọdishọno a rẹ rọ wọ eware kpehru.

Ahwo nana a bi fi eware nọ a re ro kru ekpọ ame họ ọgọdọ jọ evaọ obotọ oria nọ a rẹ jọ dede ahwo rehọ, evaọ uwou nọ ifisi e te jọ.

Iruiruo nana a bi ru egọta fihọ udevie uwou nọ a re se North Production Building gbe ọnọ a re se South Production Building.

Ahwo nọ a haya a be wọ abọ urere igbẹhẹ nọ e rrọ kpokpotọ fihọ otafe eria nọ a rẹ jọ re emu. Ekọridọ nọ whọ be ruẹ na a rẹ rọ nya kpohọ Uwou nọ a rẹ Rria A.

A be wọ eyọno fihọ obọ ehru uwou na. A ti ru eria nọ a rẹ jọ ruẹrẹ eware fihọ uwou nana, yọ ifisi e te jariẹ re.

Obọze ukiediwo-ọre a jọ rehọ uwoho nana. Evaọ obọze na, whọ rẹ ruẹ nọ a rehọ eyọno bọ uwou nọ a re se South Production Building na re no, yọ a be wọ igbẹhẹ riẹ fihọ iẹe. Evaọ eria nọ o mae kẹle na, whọ rẹ ruẹ nọ a mu iruo họ no evaọ uwou nọ a re se North Production Building na, yọ a ku ikota fihọ aro riẹ no. Evaọ ẹkpẹlobọ na, whọ rẹ ruẹ uwou nọ ifisi e te jọ, yọ iwou nọ a te rria eye e rrọ obemu riẹ thethabọ na.

Ofẹ ovatha-ọre a jọ rehọ uwoho nana. Evaọ eria nọ e mae kẹle na, whọ rẹ ruẹ iwou nọ a te rria D, E, gbe F nọ a bọ re no. Rekọ a ma omaa nọ a te bọ Uwou C re evaọ amara Akpe.

Ahwo nana a be rehọ itho nọ a re se limestone ro di ogba wariẹ oria nọ ẹtẹre-ame ọ te jọ. Etenẹ na ọ te whẹ erru họ edhere nọ a rẹ rọ dhẹ kpohọ uwou nọ ifisi e te jọ, onọ whọ be ruẹ evaọ obemu riẹ na.

Ahwo nọ a re ru iruo ekapenta a bi fi ẹkọdishọno gbe ikpẹ họ isilini ọfisi jọ. A ru ọfisi nana re a hae jariẹ rẹrote iruo ebabọ na.

A be wọ igbẹhẹ nọ a rrọ ekọkre ru kpahe no fihọ uwou nọ ifisi e rrọ. Fikinọ a ru igbẹhẹ na kpahe no, o lẹliẹ iruo na vẹrẹ gaga. Fikiere taure amara Aria o te ti kuhọ yọ a wọ igbẹhẹ na kpobi fihọ iẹe no. A ru iwindo ifisi na ruaro re elo uvo o sae lo ruọ evaọ rai ziezi. A ru iwindo na kpobọ eva ziezi re o whaha ẹrrorro evaọ ezi uvo, jẹ whaha elo nọ o re lo ruọ ahwo aro evaọ ezi ekpahe.

Iruiruo nana a be gwọlọ epanọ a rẹ rọ rehọ eware ruru eyọno nọ e rrọ ehru uwou nọ a rẹ jẹ re emu gbe ọgwa nọ ahwo a re kokohọ na. Onana u re ru nọ edo ọ gbẹ rọ gahrọ họ otẹrọnọ a bi ru eware evaọ eria ivẹ nana evaọ oke ovona.