Matiu 1:1-25
1 Obe ikuigbe* Jesu Kristi,* ọmọ Devidi, ọmọ Abraham:
2 Abraham o yẹ Aiziki;Aiziki o te yẹ Jekọp;Jekọp o te yẹ Juda avọ inievo riẹ;
3 Juda avọ Tama a te yẹ Pẹrẹz gbe Zera;Pẹrẹz o te yẹ Hezrọn;Hezrọn o te yẹ Ram;
4 Ram o te yẹ Aminadab;Aminadab o te yẹ Nashọn;Nashọn o te yẹ Salmọn;
5 Salmọn avọ Rehab a te yẹ Boaz;Boaz avọ Rut a te yẹ Obẹd;Obẹd o te yẹ Jẹsi;
6 Jẹsi o te yẹ Devidi ovie na.Devidi avọ aye Uraya vẹre a te yẹ Solomọn;
7 Solomọn o te yẹ Rehoboam;Rehoboam o te yẹ Abaeja;Abaeja o te yẹ Asa;
8 Asa o te yẹ Jehoshafat;Jehoshafat o te yẹ Jehoram;Jehoram o te yẹ Uzaya;
9 Uzaya o te yẹ Jotam;Jotam o te yẹ Ehaz;Ehaz o te yẹ Hẹzikaya;
10 Hẹzikaya o te yẹ Manasẹ;Manasẹ o te yẹ Amọn;Amọn o te yẹ Josaya;
11 Josaya o te yẹ Jẹkonaya avọ inievo riẹ, enọ e jọ uzuazọ evaọ etoke nọ a ro mu ahwo Ju kpohọ igbo obọ Babilọn.
12 Nọ a mu ai kpohọ igbo evaọ obọ Babilọn no, Jẹkonaya o te yẹ Shẹltiẹl;Shẹltiẹl o te yẹ Zerubabẹl;
13 Zerubabẹl o te yẹ Abiud;Abiud o te yẹ Eliakim;Eliakim o te yẹ Azọ;
14 Azọ o te yẹ Zadọk;Zadọk o te yẹ Akim;Akim o te yẹ Eliud;
15 Eliud o te yẹ Ẹleaza;Ẹleaza o te yẹ Matan;Matan o te yẹ Jekọp;
16 Jekọp o te yẹ Josẹf, ọzae Meri nọ o yẹ Jesu, nọ a re se Kristi.
17 Fikiere, ige na kpobi, no Abraham rite Devidi ige ikpegbene; no Devidi rite okenọ a ro mu ahwo Ju kpohọ igbo obọ Babilọn ige ikpegbene; yọ no oke igbo obọ Babilọn na rite oke Kristi ige ikpegbene.
18 Rekọ enẹ eyẹ Jesu Kristi ọ jọ. Evaọ okenọ Josẹf ọ rọ sa Meri oni riẹ họ otọ, o tẹ via nọ ẹzi ọfuafo o ru rie dihọ taure a tẹ te ruọ orọo.
19 Rekọ fikinọ Josẹf ọzae riẹ ọ jọ ohwo okiẹrẹe yọ ọ gwọlọ ru ei oma vo evaọ ẹgbede he, ọ tẹ jiroro nọ ọ rẹ lẹlẹ se iẹe.
20 Rekọ nọ ọ jiroro nana no, ukọ-odhiwu Jihova* ọ tẹ romavia kẹe evaọ ewezẹ, ta nọ: “Josẹf ọmọ Devidi, ozọ u mu owhẹ hẹ re whọ rehọ Meri aye ra kpobọ uwou ra, keme ẹkwoma ẹzi ọfuafo o ro dieva na họ.
21 O ti yẹ ọmọzae, yọ who re se odẹ riẹ Jesu,* keme o re ti siwi ahwo riẹ no izieraha rai.”
22 Eware nana kpobi e via re ẹme nọ Jihova* ọ rehọ ọruẹaro riẹ ta ọ ruẹsi rugba, inọ:
23 “Rri! Ọmọtẹ-kọkọ* o ti dihọ, o ve ti yẹ ọmọzae, a ve ti se odẹ riẹ Imanuẹl,” onọ otofa riẹ o rrọ, “Ọghẹnẹ Ọ Rrọ Kugbe Omai.”
24 Nọ Josẹf ọ rọwo no owezẹ ze, o te ru epanọ ukọ-odhiwu Jihova* ọ ta kẹe na, ọ tẹ rehọ aye riẹ fihọ uwou.
25 Rekọ o lele i rie wezẹ hẹ bẹsenọ o ro yẹ ọmọzae, o te se odẹ riẹ Jesu.
Eme-Obotọ
^ Hayo “uyẹ.”
^ Hayo “Mesaya; Ọnọ A ro Mu na.”
^ Etenẹ họ oria ọsosuọ evaọ eria 237 nọ odẹ Ọghẹnẹ, Jihova, o jọ romavia evaọ Ikereakere Griki Ileleikristi na. Rri oria Otofa Eme.
^ Otofa riẹ họ “Jihova Họ Esiwo,” wọhọ odẹ Hibru na Jeshua, hayo Joshua.
^ Rri oria Otofa Eme.
^ Hayo “ọmọtẹ nọ ọ riẹ ọzae he.”
^ Rri oria Otofa Eme.
